Islay三大煙燻廠最愛Lagavulin，Distiller Edition 激讚
網友 CK Wun 「點唱」話想睇酒文……好。
酒只係興趣，係令自己開心嘅事，專業酒評外面大把，唔好諗住起度睇到咩認真 tasting notes 或者專業推介叱吒十大。就好似亂up政治係興趣， 同啲人得閒r下腳趾差唔多, 但唔好 expect 我做到專業政客做嘅事……( 雖然香港嘅政客都做唔到啲乜嘢)
而且講到飲酒，點及 史兄 威喎。
呢支係 Lagavulin distiller edition (2000 distilled 2016 bottled) （即係mature 了 16年啦）。
一入門飲 whiskey 已經係鍾意飲 peat 同 smokey，正常人係飲 Macallan 個啲風格先，但我後來先調番轉飲番啲唔同風味嘅。真係重口味。
Islay 三大煙燻廠都飲。一開始鍾意 Laphroaig 嘅，佢有年份個啲好飲，但後來有年份越來越難搵喇，又貴，啲咩QA cask PX cask quarter cask 都有飲，之後好似越出越衰。An Cuan mor 我有買，買嗰陣重要貴過而家價錢，明明係貴啲條line, 但飲落好失望。某年輕議員話佢好鍾意飲 An cuan mor，佢去飯局竟然帶個盒去但無帶支酒……98000呀大佬!你帶個盒嚟揚下跟手話個盒吉嘅，不如唔好show! 然後我家裡的 An Cuan Mor 送咗俾一個好鍾意飲 Laphroaig 嘅朋友。
有人話 four oak 超伏，真係未試過，新個隻1815黑樽好啲啲 。要飲好飲的 Laphroaig 其實飲 independent bottler 反而有驚喜。
Ardbeg 隻 10年係以平價買到正宗強烈煙燻味最抵飲之選。可惜，我去過 Ardbeg Day，個 PR 搞到老蘭活動咁，完全浪費晒啲酒，例如將隻 uigeadail溝稀整咗隻唔好飲的 cocktail 諸如此類的 serving，重要係贏咗啲無聊 game 先有得飲嘅 item，令我對 Ardbeg 印象超差，從來唔會買，完全fail。ardbeg 咁搞定位錯晒，請酒客但完全失敗的 PR反例，sosad. ( Supernova 除外 : p)
Lagavulin 係3家之中，感覺都重 keep 到唔好做埋晒啲騎呢嘢，做緊精品少少，唔係亂咁來的廠。
今次呢支 distiller edition，px sherry cask double matured, 係國外有稅店買返來嘅，貴過一般免稅貨色，但都唔算貴。
先倒落杯，香到不得了，香氣 fill up the room. 去完廁所再入房，燻香撲鼻得緊要。
一飲：好rich 好smoky，同時又好細膩。
好多時飲 peat & smoke 廠中低檔出品，都係飲陣味，rich又smoky 但咁 delicate 的酒體，真係唔容易搵到，重要咁抵飲。個隻細緻度同平衡，有啲貼近我之前貼出來那隻craigellachie的 level，但人哋貴咁多，不得了。每一啖飲完，你會覺得個隻香氣打通咗口腔鼻腔，再從個鼻窿到飄番出來。
跟住你會好想再飲一啖，再一次享受這種細膩又濃烈，膨湃有層次的感覺。簡直有在威士忌花園翻滾的感覺！ 加埋滿屋香氣,猶如置身仙境!
好飲但唔貴重要係smoke 嘢重要係 Laga 實在係一大賣點，難怪賣斷市。distiller edition每年都會出，每年質素都會 fluctuate ；但呢支，好！
跟住，我又開番支Kavalan solist sherry cask對比下。一飲，shit!點解可以咁鞋口，又rough。以前覺得還可以嘅而家已經開始接受唔到。
飲過好嘢，回不去了。
post 完之後支酒應該會好快被 frd 飲晒，就好似上次的秋刀魚咁，sad……
