親中派守唔到寡，口講民生心繫23

親中派成日屌票話市民區議會選舉揀政治唔揀民生係錯，但親中派自己又有幾關心民生呢？筆者選區的自由黨議員舊年以超高票 (比民主派對手多成倍以上) 連任，但佢fb自區議會選舉結束後只更新過4次，就算疫情殺到全港人人自危佢都近乎冇影，筆者彈性隔日上班出街同坐公共交通，都冇見過佢，實情佢幾年前上任以來我都冇見過佢幾次。親中派鬧人選政治唔選民生，但其實自己咪都係一樣，見人撐送中撐政府就冇做過民生嘢都投？至少我選區係咁啦。

最新一個例子就係何妖搞23條簽名。當政府同中共都多次話要集中抗疫，佢就走嚟搞完全冇啦更的23條，仲唔係將政治擺在民生之前？立法會流會又係，依家民主派仲剩幾人？根本親中派在立法會有六成議席，自己人肯開齊會點會流到會？係咪又去左搞23條，定係飛左去美國勾結外國勢力，定係掛住爭黨內初選爭做跑道起機？提起中國二字就去平機會，或者去港台門口喊打喊殺，邊一樣又係民生問題？所以話，親中派守唔到寡，鬧人搞政治化，其實自己最鐘意搞政治化。