落閘放狗 VS 賊過興兵

(Sorry 此文以白話書寫，覺得比較「貼地」。而且慢慢雕琢文字，不如去雕那些滿口義正辭嚴，實則是在倒香港米的人。〕

今日港鐵喺幾乎無預告底下，中午開始不停美孚站至調頸嶺站，而九龍灣站至藍田站更加要落閘。

行動代號為「審慎的配合」。

"Thank you for your understanding?" 我完全唔 un ，你又唔解釋喎。

聽日咪又係大大力譴責示威者令又進一步推香港去死。嗱，Headline 都幫佢諗埋：

「示威者癱瘓九龍東 港鐵被迫停駛 商戶頻呼冤」

「暴徒衝擊港鐵打鬧 無辜職員感受屈淚滿面」

「全港促立刻停止暴力 免港經濟無止境下滑」

喂介鹽重好喎，無車行，清靜和諧零污染，重有益身心添。

齋講配合警方唔得喎。咪住，配合，即係被警方要求啦？警方／港鐵即係預計會有大規模衝突、暴動、甚至有傷亡？

又，要配合，點解只得一個鐘嘅通知？一個鐘唔夠時間畀所有要使用公共交通嘅普通市民去準備。

元朗警車落返元朗區都閒閒地都半個鐘啦係咪先。

如果無人刻意造亂而和平完成遊行，受到港鐵今日安排影響嘅一般市民同商戶可唔可以向警方／港鐵索償？

點解有啲嘢就有預兆所以落閘放狗先，有啲就賊過都唔興兵？

外國朋友話香港母語好難捉摸，我想同佢地講，

唔單止學習難，應用都係好難捉摸㗎～