終於唔中伏 — — 壽桃生日去Conrad
1. Klook Package【STAY得筍 — 額外折扣】豪華客房 + 咖啡園室內雅座自助晚餐 + 自助早餐。承惠 $2,480。
2. 總體而言，我係開心滿意的。酒店職員全部都好有禮貌，有啲濕鳩酒店員工你會感覺到客套說話以外、口罩背後嘅西面，但我喺Conrad 感受唔到哩啲。
3. 房，住59 樓，最頂好似61樓。山景無咩野望的，事後睇Klook 其他評價，原來可以要求望海景房的，但算啦，唔搞咁多野。
4. 睇得多你都知啦，用黃燈嘅酒店，壽嫂會歸類為古老舊酒店，哩間唔例外。
5. 床，無印象，枕頭好似太冧，硬骨頭人士要注意。
6. 浴室
7. Woohoo~ 浴缸有隻鴨仔，有隻鴨仔！
8. 但隻鴨仔平衡做得唔好，佢浮浮下，大約5–6秒後係會反鴨的。
9. 想特別讚一下，浴室有個小電視之餘，仲有個音箱駁住出面電視的。電話駁出面SmartTV 就可以喺浴室播歌，音質相當唔錯。
10. 浴缸夠闊，非常好。
11. 話明係生日，梗係有R 生日蛋糕。有個手板大小嘅朱古力蛋糕，水準以上味道，唔特別影。
12. 小插曲，我同壽嫂浸浴嗰陣，職員響門鈴話送蛋糕。喺門口叫佢等等，再嗱嗱臨著返衫攞。
13. 好彩唔係扑緊野，大大地滴汗。
14. Buffet Dinner
15. 雖然地方幾乎一眼睇哂，但服務員哥哥開台時係有講解邊度有啲咩食、戶外有燒烤攞的。我覺得幾好。
16. 比較有趣嘅係，dinner/ breakfast buffet 只包一杯茶/ 啡。如果想飲果汁同酒係要加錢的，認真不了。
17. 野食種類唔算太多，有明太子沙律我覺得好驚喜、壽嫂話海南雞飯好食、甜品就推介Crème Brûlée。
18. 又有個加分位，燒烤部啲扇貝長期被搶哂，我同燒烤大廚講想要兩塊，佢問我坐邊度、張檯有幾多人。半個鐘後真係攞兩塊新鮮燒好嘅扇貝畀我。
19. 憑哩一點，已經大勝漏單嘅The Murray。
20. 早餐Buffet 都係咁上下
21. 壽嫂中意食egg benedict，特登影一下。
22. 我中意食壽嫂，特登講埋。
4. 油麻地木的地酒店實測
6. 紅磡帝苑、北角Hyatt Centric、北角Harbour Grand
7. 旺角康得思酒店