禁書，歷史，極權，焚書坑儒
【深夜廢話】 Well…禁書一定係極權會做㗎啦。
好多黃絲朋友見到有禁書一事，話「點解香港搞成咁」，咩事完全「大陸化」（我叫「中國化」，然後佢哋又跳去什麼「愛國不愛黨」，「係中共唔係中國」…我唔想再解釋呢點，因為唔想再去返十幾年前啲outdate討論）。
講到呢點，我諗起過身不久嘅父親。
童年時因為家父非常喜愛閱讀歷史相關及留意時事，從而接觸到家中大堆佢收集嘅報章雜誌書刊。可能因此對我影響深遠，加上佢親歷好多歷史事件，又親口同我講好多細節，小故事，家父可以話係我政治啟蒙。佢嘅觀念同我現在對世界嘅睇法唔完全一致，但都有好多相似地方。
共產黨嘅角度，深明一啲人「反動」嘅原因之一，係因為有機會接觸歷史（尤其佢哋嘅臭史）。另外因為思想自由而產生不少不滿同反對政權，即所謂「唔聽話」嘅想法。所以中國經常話「你太自由」，其實唔只因為你有思想所以「難以管治」，係因為佢哋一直作惡喺歷史上俾人知道「以前無好，依家都唔會變好」，所以你唔會服佢，所以你「難以管治」。要你易於管治，就一定要減少、過濾你接觸到嘅資訊，你蠢啲、思想單一啲，就會「容易啲管」。
如果你自由開放，其實好多香港人寧願賺錢食玩瞓，鬼理你政治咩。
你睇吓97前，你可以示威遊行但其實好少發生，通常有都係啲小民生問題。（共匪左派發動六七暴動恐襲係另一回事），最大嗰次，咪89年見到中國人流血慘劇而開始望吓北面發生咩事嘅香港人出來遊行囉…
我記得十年前左右話香港會變西藏新彊，當時好多就算平時follow開時事，會去遊行嘅人都話我誇張。當然我唔係第一個講（大家都係睇歷史所以有警覺啫），但當時講嘅人又真係少之又少。我話兩個地方都俾同一個暴政管治，佢哋對A同B都係用一個恐怖方法統治嘅話，對C亦不會差得遠，只係兩個地方軟硬件唔同，所以時間同手法可能會稍有分別，但最終都係同一目的。我寫過啲比較文章、叫人一齊參加西藏集會、去支聯辦等外國記者影低抗議等，但就俾一啲人話係「博出位」… 總之做咩都係搏出位。話要趁香港仲未俾中國攞晒啲錢要搵外國介入，就話外國唔會理乜乜乜潑冷水，其實我只係講緊依家黃絲所講嘅所謂「國際線」…. 點解睇歷史重要，係因為你會喺歷史度學到好多嘢，有啲事係會重覆；有啲一直存在到今日嘅組織/政黨/政權，你會睇到個歷史脈絡佢哋係一直做同樣嘅事，佢哋要滅一個地方，連啲steps都一樣，只係香港個模式佢哋做得subtle啲。到依家見到真係行緊同一條路，唔好話係咪太遲，基本上香港人89年唔反對中國會接手攞香港主權開始已經係太遲… （再早啲都有好多事件，不過會越寫越長…)
德國詩人Heinrich Heine 係佢1823年出版嘅Almansor入面有句名句： “Dort wo man Bücher verbrennt, verbrennt man auch am Ende Menschen.“ 即係『如果那𥚃（的政權）燒書，下一步就會燒人』。 即係焚完書就一定坑儒囉。
但依家連啲理論書都禁，更莫講話咁多假資訊將啲歷史反轉講（例如話98金融風暴係中國救市，但其實佢一蚊都無出過）。我以為被洗腦嘅係下一代，呢代人知道真相就可以口傳，然後我發覺唔知嘅人，有我嘅年齡層，亦有比我年長嘅人，兒女都十幾歲。咁點搞？加上當指出一啲問題嘅時候，好多人一唔啱聽就拉去我依家住喺外國度，我越來越覺得自己明知做嘅除咗遠不夠多，更加覺得無太多嘢可以做到。好多關心我嘅朋友叫我focus返自己生活就可以，但點解唔可以過生活之餘繼續關心自己出生地?
圖：Netflix 有《十年》，我當時2015入戲院睇過，想睇多次。以為有德文配音，但只有德語字幕，仲諗住聽德文配音當溫習。照睇，不過字幕冇註明邊句係廣東話邊句係普通話，意思差好遠。雖然五條短片我最中意《自焚者》，（第二條直接skip），但呢度係第一條短片《浮瓜》講2020年推國安法。寫故事嘅人唔係有預知能力，係留意時事同歷史。
以前寫過一啲相關同歷史文章：
https://link.medium.com/N7YU1nMCS7 今日西藏，明日香港！﹣主流華文媒體不講的事(2012年文章）
https://link.medium.com/ycV7J8PCS7 (2014年文章）英聯邦守軍於香港死戰抗日，共官歪曲史實
https://link.medium.com/xicISzWCS7 回歸回你老祖(2012/3文章）
https://link.medium.com/ToIb8n2CS7 即使中國明天就「平反六四」仍然信不過(原文寫於2014年）
https://link.medium.com/NJeQuLDDS7 金融風暴香港用自己儲備克服，中國卻又在香港教科書改歷史說自己救了整個亞洲。
https://link.medium.com/wYsII73CS7 守護粵英雙語，抵抗中國滅港 (2014文章）
https://link.medium.com/58rtOw9CS7 【咩咩咩時你都末出世，你識條毛】(2015年文章）
https://link.medium.com/600eC79GS7 「點解香港搞成咁」－你深山修練二十年出返嚟？
https://link.medium.com/51HaKQgDS7 越要香港人收聲，我們就該更大聲(2016年文章）
https://link.medium.com/LYl7ZBiDS7 因曾是羅馬帝國一部份，所以英國該回歸意大利 (2014年文章）
https://link.medium.com/37SqsQsDS7 香港人，唔好再打不還手啦！
https://link.medium.com/EAoYhlr9S7 【香港歷史系列】六七左派工會暴動 Hong Kong 1967 Leftist riots (2013年文章）
https://link.medium.com/FmoZdxvDS7 香港人是被迫討厭中國人的（2012年文章）
https://link.medium.com/BMkRuTxDS7 「依家中國好進步㗎啦，你少上去知乜啫 x 1999」
https://link.medium.com/GtZ35UIDS7 香港死因：政治潔癖。
https://link.medium.com/hRqkUTLGS7 香港水/電/食物都不只依賴中國。
https://link.medium.com/TYNcnZT9S7 咁大場抗爭，唔通真係只係為區選？
https://link.medium.com/Slut14QGS7 你已經離港，無資格講香港嘅事？