用廣東話十分鐘學識旅行泰文

泰國可以話係香港人第二個鄉下嚟。好多朋友去到都係用身體語言加英文溝通。其實大家都係食金象米大，又唱咗咁多年「開心仔」，不如學返幾句簡單泰文旁身？同廣東話一樣，泰文都係聲調語言，我哋就六個調，佢哋就得五個。發音對其他國家嘅人或者好難，應該唔會難到睇緊呢篇文嘅你！

注意①
泰文有啲音就分得好清楚，「泥」「你」「年」呢啲「n」音、「我」「雅」「鵝」前面個「ng」音，好緊要好緊要，讀錯人哋會聽唔明。大家開行「朗誦mode」去讀，應該溝通到八九成。

注意②
方便起見下面全部省略敬詞，記住如果你認為自己係男性，句子最尾要加「級」，如果你認為自己係女性，句子最尾要加「卡」。
下面左邊係粵語，右邊係泰文。

注意③
同上次「日文篇」唔同：日文我或者真係講得兩咀，泰文我唔識㗎。如果發現有咩錯得好離譜，記住話返我知。

應對

係 —— 妻 唔係 —— 咪妻（咪 係 mic【咪高峰】個咪，唔係朱咪咪／咪走雞） 得唔得 —— die米？ 得 —— die 唔得 —— 咪 die 有 —— mi （do-re-mi-fa-so 個 mi） 冇 —— 咪 mi

地區、國家

香港 —— 康貢 泰國 —— 替 中國 —— 賤（真係噉讀，唔係我玩嘢） 人 ——— kon 香港人— kon 康貢

簡單形容詞

勁 —— 勁 靚 —— 水 貴 —— 平 平 —— 禿（低音） 好 —— delete 個 de 非常 —— mark（非常勁：勁 mark、非常貴：平 mark、非常靚：水 mark）

買嘢

呢個 —— knee 俾～我吖—— call ～ 閪 （call 低音，用粵拼大概係 ko2） 俾 menu 我吖—— call menu 閪 俾呢個我吖 —— call knee 閪 幾錢 —— 偷嚟？ 要 —— 吽（發吽哣個吽） 唔要 —— 咪吽 大 —— 曳（低音） 細 —— 叻

多謝、請求

唔好意思 —— call-taught 唔該晒 —— kop-罐

問路

去 —— 閉 嚟 —— 嘛 酒店 —— 弄 lem 醫院 —— 弄扒吔扮 機場 —— 唦南便 廁所 —— 空腩↗ 屋企 —— 班 的士 —— 踢屍 Grab —— grab 遠 —— 計 近 —— 雞 （高低音真係好緊要 …）

邊度 —— T 泥 ？ 呢度 —— T knee 嗰度 —— T none

食飯

食／飲 —— 見 飯 —— cow 水 —— 腩↗ 酒 —— 褸（大褸個褸） 齋 —— 謝 好食 —— 阿來 埋單 —— check 便

數字 1–10

① 能 ② 爽 ③ 三 ④ 時 ⑤ 哈 ⑥ 酷 ⑦ jet ⑧ bad ⑨ 交 ⑩ 攝

100 —— roy 1000 —— 噴 10000 —— 悶 100000 —— send （微升） 1000000 —— 躝 （喂你去泰國買樓咩，食個飯唔使玩咁大啦）

上面冇嘅用簡單英文、身體語言就得。​​​​