清零、共存與西關智慧

(本篇為粵文)

進入2022，睇住國際新聞，的確幾唏噓。唔少國家就開始放寬防疫措施，繼續嘗試同病毒共存。

而係中國同中國香港，就繼續所謂「清零」，有「Ghetto外清零」，或者「頭痛醫腳清零」。anyway，反而令我林起細個聽到一句西關諺語。黎到香港幾乎無聽人講過，甚至我自己唔記得，要搵老母求證返。

「乾乾淨淨肺癆病，邋邋遢遢做警察。」

呢句說話甚至應該係二戰前出黎，所以警察都係正面形象，或者為人健康，可以蝦蝦霸霸咁。當然今日呢個語境，有人點玻璃心我就唔知啦。

但而家我話呢，其實其他國家，特別係世界警察美帝，根本就係邋邋遢遢，唔會再同你玩清零，就係擺爛，但人民就生存落黎，最大限度維持經濟運作。

中港呢啲地方你幾乾淨，搞唔好最後都係變印地安人咁，一堆天花玩死自己咁。

所以話古老西關話，而家有環球智慧呢。