曼聯老閭傳斟阿里基任領隊 美國傳媒報道，指曼聯老闆格拉沙家族成員喺美國同前祖雲達斯教練阿里基會面，而且過程長達3小時，不過禁令人懷疑紅魔鬼有意邀請呢位意大利名帥取代現任領隊蘇斯克查。 曼聯雖然現時排英超第2位，但已經落後榜首曼城14分，基本上奪冠無望，加上已經喺英聯盃、英足盃出局，相信今季餘下時間，只能爭逐歐霸盃錦標，有傳格拉沙家族認為蘇斯克查領軍能力已經到咗極限，都係時候換帥，帶領球隊更上一層樓。 阿里基曾經率領AC米蘭及祖雲達斯奪得意甲冠軍，其中執教祖記時期，更加取得聯賽5連冠，並且2次打入歐聯決賽，屬於當今一級名帥，自然成為格拉沙家族心目中嘅新帥人選。 不過，曼聯高層活華特力撐蘇斯克查留任，打算開出900萬鎊年薪合約同蘇B續約，球會管理層換帥方面出現分歧。