星期日休息：反白眼 五毛 第五縱隊

第一財經記者梁相宜 反白眼 藐爆全美電視台張慧君嘅提問，意外咁將成個中共海外假傳媒網絡篤爆，估唔到一個 反白眼 將中共喺海外華人傳媒嘅第五縱隊一鑊打晒上水。呢件事，其實正正反映海外華人點解一個個投共，同埋如果要對抗呢啲第五縱隊，除咗 反白眼 仲可以做乜。

反白眼 揭出嘅假中文傳媒網絡

中共喺海外嘅「假傳媒」網絡有兩部分，一部分係中共買香港同台灣報章喺西方國家版本，例如《星島日報》、《世界日報》、《明報》，主要迷惑果啲唔睇英文嘅華人，華僑好多就係睇呢啲有毒報章睇到懵咗。只不過，依家互聯網可以睇番香港同台灣原裝報章，加上香港唔少海外移民自己識睇英文，兼憎中共憎到入骨，所以呢啲傳媒嘅作用越嚟越少。何柱國剩番幾多統戰價值，我十分之懷疑。

另一部分就係近年好似《歐洲時報》、日本新聞網呢啲垃圾，呢啲垃圾你要喺當地搵到都有啲難度，例如喺德國你唔會搵到《歐洲時報》，你只會搵到喺超級市場搵到嘅垃圾《華商報》，以及喺書報攤有賣《星島日報》歐洲版。呢啲垃圾主要作用係出口轉外銷，呃中國人話外媒好捧中共，如果有睇開《膠事錄》或者唔會咁易被人昆到，但你知中國人，甚至香港嘅華人有幾不求甚解。所以呢啲出口轉外銷嘅垃圾招數，一直喺度用，但中國人乜都唔知，直至梁相宜果吓 反白眼 ，所以梁相宜果吓 反白眼 她堅係做咗民族英雄都唔知，雖然我估最初只係兩個中國女人有私怨嘅結果。大家都知，中國官方傳媒嘅女記者，查實有幾有專業至得㗎。中國官方傳媒果啲女記者，個個都似善價而沽咁。

所以面對呢種情況，首先香港傳媒唔好再亂用海外中文傳媒嘅垃圾，有乜事唔該睇英文原裝，同埋已經住喺西方國家嘅，唔該盡量透過當地嘅傳媒睇到最新資訊，無選擇都要揀英文版先，中文版一律唔好要。同埋香港人遲早要自己搞一個用香港語文，服務海外香港人嘅傳媒，抵抗中國人製造嘅文字垃圾，當然呢件事好貴，暫時有財力做呢件事，又做緊果個其實係黎智英，雖然黎智英最需要搞係加拿大蘋果日報，唔係美國蘋果日報。

西方國家要避免中國呢啲垃圾入侵，一個可取做法，係好似 BBC Northern Ireland 或者 SBS 咁提供香港語言服務，係針對當地人，但請人果陣都要十分之小心，因為中國人一定乘機滲透，我見得太多，我嘅睇法係原籍中國嘅一律唔請，因為我睇得太多西方國家本來用嚟影響中國用嘅傳媒，結果被中共滲透嘅事，所以最好請當地長大，或者喺香港或台灣嚟，佢地嘅政見係反中國為主，果啲大中華膠就真係要小心提防，因為華人社會果種是非不分嘅民族主義，係十分之得人驚。

點解以往有排華嘅災難，因為華人喺海外好多國家認同係有問題，直至南洋出現李光耀呢班友為止，寧願同中國一刀兩斷都要捍衛當地，但依家中國出嚟果班友嘅國家認同以及意識形態都係十分之有問題，所以原籍中國嘅人，西方國家係唔可以重用，要用華人嘅話，都只能由上世紀七十年代後出生嘅香港人，台灣本省人或外省第二代，以及南洋華人入手，當然佢地好多未必會識中文，但佢地喺意識形態以及國家認同上高度可靠，唔會好似果啲原籍中國嘅人，發咗誓入籍歸化當地，其實果個國家認同仲喺中國度，呢件事係高度荒謬，佢地甚至衰過喺上世紀五十年代拒絕效忠印尼嘅印尼華人。

所以我預計，中國派嚟嘅第五縱隊，除咗傳媒，仲有好多地方，如果中美有衝突，大規模對華人嘅審查係必然，甚至要用當年二次大戰美國對日裔美人嘅做法，佢地要喺歐洲戰場以血去證明自己對美國嘅忠誠，而呢啲日裔美國人好多都同日本一刀兩斷，喺語言以至生活習慣上同美國人無分別，因為以往日本人血統為本嘅國籍認同，搞到好多出賣美國嘅日裔美國人出現，例如戰時NHK嘅東京玫瑰之一戶栗郁子就係例子。

NHK唯一一套大河劇以昭和年代背景係《山河燃ゆ》，就係講呢啲日裔美國人嘅故事。我立場好簡單，我護照係乜國家，我就效忠乜嘢國家。如果謝偉銓、周融呢啲友仔搞唔清楚，請退出英國公民身份，否則就準備面對日裔美國人嘅情況，效忠當時大日本帝國嘅，必以叛國罪起訴，呢個係唯一處理方法。