恒指去到15,000點根本都唔算跌好多

今日雖然跌到得返15,000點，但筆者覺得其實港股唔算真係跌。首先大家需要理解返，恒生指數係係香港上巿股票的市值，簡單黎講就係用港元結算的股票價值。

其實恒指keep住跌的主要原因唔係咩環境變差前途唔明朗，而係港元依然同美金掛鈎，大家試諗下如果唔係聯繫匯率，港元憑乜野可以反世界潮流跟美金狂升？

但資本對換咗股票，就明顯唔會再隨匯價keep住升，然後就會反映返股票的實際價值，簡單講就係因為你手上的港元比以往更值錢，買野理應會更平。

睇返YTD就知港股跌咗接近35%，港元對外匯如英磅日圓歐羅的跌幅大約15–25%，所以係國際市場睇香港股市，其實價格根本唔差得好遠。