場外點票II：33親中派夾埋都唔夠鄺俊宇一個多票

還有更荒謬的選舉制度嗎？

一邊取得49萬票，一邊取得46萬票。

一邊換來33個議席，一邊換來1個議席。

唔好誤會，講緊係民主派49萬票換來1個議席，親中派46萬票換來33席。

計算方法如下：

點解？咪因為功能組別囉，成堆人零票都可以做到議員，另一方面就要有人走勻全港攞幾十萬票先做到。

有人仲好意思學人講民主。你班人咁都可以做議員已經係民主黑暗一日啦。

需要講明，功能組別之內都有高低之分，有D界別選民都有成過萬人，但大部分都係得千零甚至百零個登記選民，圍威喂得一個候選人，選都唔洗選。咁岩，選民多的界別都係民主派贏，選民少同自動當選的都係親中派贏。

**選民數字為2018年版。大部分界別都差唔多，唯獨是資訊科技界由2017年11017個登記選民跌到得返8136個。有人話係因為種票被踢爆，你話呢？