反送中再唔壽終正寢就到香港人壽終正寢

反送中運動持續就快3個月，呢個名目越來越站不住腳。外媒已經一致認同”The bill is dead”；一般平民眼中，示威者係故意以和平集會為名集結，同警隊暴力衝突為實。我認為呢個運動如果仍然停留喺度鳩叫反送中，必定會有反效果。呢單嘢叫做反送中已經不合時宜，況且五大訴求本身就有好多問題，之前一篇文已經講咗。

各國嘅態度一直認為呢件事係人哋內政，而市民只係喺度歇斯底里騷亂，基本上係無理取鬧，潑婦罵街咁。就算人哋外國勢力想出手，根本都係出師無名。加上而家最終兵器戴耀廷出咗嚟，佢隨時會用呢個位去搞爛件事。好簡單，將已經企唔穩嘅反送中論點用垃圾左膠一貫做事方式放大，突顯其荒謬同不合理，多一頭半個月個運動就會自動消散。

你睇睇外國傳媒，而家都係聚焦香港人權，警察濫捕等，你就知道呢單嘢係時候要spin。從來無人會care你咩反送中，但如果件事係涉及人道責任問題，所有先進國家，無論有冇投資喺香港都係責無旁貸出手。

就算有人到呢刻仍然接受唔到要搞革命，要攪港獨，起碼都應該接受到反警察反暴力啦掛？將運動轉向成剿滅警隊，站喺警隊對立面絕對係個好位置。首先，警隊而家應該直接係有共產黨操控，日日肆無忌憚生產大量燃料俾大家燒旺團火，運動一定唔會咁易攪散。其次，論重要性，而家市民嘅生命財產隨時都可能因為呢班仆街而受到威脅，仲講反送中同問人『何不食肉糜』有咩分別？反送中都仲要砌d罪名俾你，而家？罪名根本就唔需要，無理拘捕，新屋嶺毒打、非禮、強姦，仲洗送你返大陸？就地正法快捷太多啦。送中條例已經因為共產黨搲爛塊面而失去存在價值。有咗呢個目標，大家先有正當理由去武力升級，我哋而家係對抗邪惡警察嘅正義勢力，唔係小學雞咁得閒搞下你，而係真正嘅衝擊，反撲，目標係要瓦解邪惡暴力集團。

講咩忘記初心嘅人，好好諗吓呢個時候係咪應該打倒昨日的我，果個初心已經out晒啦。將運動個名建基於一件已經冇價值既事上面係非常危險，呢段時間我跟住d人叫口號，總係覺得渾身不自在，你自己叫出嚟嘅嘢自己都唔信，點樣感染其他人，點會有堅持落去無私付出嘅心？到最後，我根本就冇跟住叫反送中同五大訴求嘅相關口號。只有『光復香港，時代革命』先說可以代表我嘅心情。

如果我可以繼續extend呢句口號，我會加埋『打倒黑警，以眼還眼』。咁多條命咁多人坐監流血，五大訴求都實在太便宜了。耶穌式嘅俾埋右邊你打，留返果d弱智左膠去自焚啦。