「去激化」教育與在囚人仕接收資訊實況
我睇完之後真係笑左出黎……懲教署在立法會文件披露一系列針對2019年修例風波判監人士的措施，其中不少在囚人士有激進思想及行為，因此透過認識中國歷史及國民教育、心理及價值觀重整等，令他們「去激化」。
監獄可以睇到乜野新聞?
通常係獄到，大家通常只會有東方同星島，而且唔會有幾會帶返倉夜晚睇，所以只有朝7晚6之間的休息時間先可以睇到。而每日可以休息的時間其實唔算好多，仲要一份報10幾個人一齊睇，可以真正閱讀新聞的時間真係好少。
而電視方面就更加少啦，都係朝7晚6，部份工作室有電視，而且唔一定收得好，數碼廣播後其實都睇到無綫同viuTV，所以星期一至五都係睇到午間劇場都市閒情之類的野，好彩的仲有兒童節目時段，朝早就算播新聞，好多時都因為就尐大陸仔睇無綫(佢地睇慣，可能廣東收到呱)，而且大家都要開工，真係無乜時間理新聞。
有250人參加叫反應好?!
入到監，好多野又真係唔係話可唔可以自由參加的問題，高層壓前綫、前綫壓B仔、B仔咪搵人交數囉，如果你唔肯參加，總有人話你唔合作，送你入水房，所以我對呢尐公佈出黎的數字真係覺得無乜所謂。而且大家唔好當香港係新彊，香港係100%的學童出黎接受教育的，我識一個中暴動，讀完中六就算的細佬，書架上的書係尼采，係哲學書。日日唱好中國如果有用的話，就唔會出現反修例運動啦；相反就算本身真係拆路障的，都好坦白咁講有乜著數先？所以乜野成效好反應好，今日的香港真係仲未使擔心。真係要參加，都係因為唔好影響在囚表現，務求早日放監。
要擔心的並唔係檣內的人
坦白講，真正要擔心再教育的戰場並唔係檣內而係下一代。今時今日教師被釘牌，講緊的係有罪無罪都可以被釘牌，社會政策上希望所以涉反修例的人除之而後快，而無能力離港的人及下一代面對的洗腦同報復，同時又要面對大量內地來港的人侵略資源，才是香港真正值得擔心的問題。
