到底Payme同轉數快仲係咪安全？

無論payme、轉數快好，越來越多新聞話洩漏個人資料，好多朋友都問仲應唔應該繼續用，不如大家檢討下自己對資訊保安的意識，再考慮啦。

騙案是什麼問題

其實一直關於payme同轉數快的騙案，新聞公佈的詳細內容並不多，不過案情都係講賬戶被盗用，然後一夜之間被多次轉走特定金額，筆者並未見過過賬時出現錯誤使金錢受損的新聞。所以可以相信電子付款的問題不大，引致金錢損失的主因係賬戶盗用的情況。

大家的個人資料一早外洩

關於賬戶盗用其實主要原因係個人資料外洩，經過過住十年互聯絡消費興起及服務公司過住從未建立的資訊安全文化，相信大家的姓名、身分證號碼、電話號碼、電郵、銀行戶口號碼、信用卡資料等⋯⋯，應該都會係「暗網」有售，為犯罪集團提供足夠材料。

支付寶陀衰家

以轉數快為例，金管局夠膽下放賬戶認證給銀行其實不無原因，大家諗一諗當初申請eBanking有幾麻煩，要親身前住分行辦手續，check齊身分證同住址證明，仲即時俾埋個密碼機你。咁繁複的安排基本上排除咗偽冒開戶的可能。可惜金管局百密一疏，容許支付寶同Tap and go呢類電子錢包加入，由於這些錢包認證系統比較簡單，只要電話號碼同戶口號碼就可以直接登記，做成一個累街坊的情況，使整個轉數快加盟的伙伴人人自危。（支付寶都算，連HKT的Tap and Go都出事真係始料不及，我睇HKT真係越黎越大陸化）

有無自保方法？

其實與其擔心呢尐付款系統的安全，不如時常為自己的資訊安全做尐野。身份證同電話號碼無得換，但信用卡同提款卡其實可以經常換，係正常的倩況下，銀行會每5年幫你換卡，但用開網上消費，信用卡資訊唔夠半年就通天啦。筆者就習慣1–2年就報失信用卡改信用卡號碼，Card Center的人都會自動幫你尐自動轉賬自動增值的服過去新卡，一兩個星期就等到新卡，咁「暗網」的資料唔夠update，被人盗用賬戶的機會自然大大減低。

當然，真正可以解決問題都係落係金管局到，一日唔提高綑綁戶口的認證難度，其實無論轉數快或payme都有一定危險。