【做左幾個月臨時演員，你地賺夠錢上車未？】
附：中共官方認證〈香港「暴徒」價目表〉
中央政法委（註一） 尋日透過官方微信account發文，大爆「香港暴徒接job演出」價目表（註二）。有中國「正部級」政府部門親自認證，唔理你信不信，我反正是信了！
（以下係政法委微信原文照錄，一字不改。）
香港社會連日受到暴力示威者廣泛破壞，情況令人齒冷。那麼，大量的香港青年「入局」，是為了錢還是所謂的信仰追求？是誰在幕後持續「輸血」？「血」輸向哪裡？我們一點點挖出這個，隱藏在黑暗中的「地下錢莊」——
500至5,000塊——這是普通學生參與暴亂的酬勞。錢多少，取決於參加遊行的規模、在隊伍中的位置、暴力程度、是否襲擊警察等，女性示威者的酬勞高於男性。
- 只需要落一落街，車都唔使點搭，行行企企做下「企鵝」、玩下電話做「低頭族」，就有五舊水收（起碼）。班拖gip自由行點解仲要大包細包走水貨、做代購咁辛苦呢？住係大灣區既中國人，快D經港珠澳大橋落黎香港，日日逼爆十八區啦喂！
3萬——這是一個13歲小暴徒參加幾次暴亂活動後所獲酬勞。這些錢，幫助他換了新款iPhone手機、遊戲機、名牌運動鞋等。他打算叫親弟弟一起做……
- 出幾次場就有三皮野演出費，咁易賺，點止要叫親細佬，梗係叫埋做運輸，呢排無工開既老豆；係譚仔/大家樂企足十幾粒鐘，抹檯執碗既新移民老母；咬緊生果金同長者綜援既爺爺嫲嫲，全家總動員啦。一家人月入可達十幾廿萬，威畀四點鐘Er Er Sir（註三）睇呀嘛！
1.5萬——這是《反蒙面法》出台以後，為避免「勇武」暴徒可能退縮的情況，參加暴力活動者的酬勞，大幅提高至每天1.5萬塊。
- 日薪萬五蚊。廢青懶懶地，平日厘係屋企打下機、打下飛機，一個禮拜只做週末週日兩day，都月入十二萬。香港仲邊有土地問題呢？後生仔應該個個住緊地利根德閣（Tregunter Tower）、愛都大廈（Estoril Court）同帝景園（Dynasty Court）。深水埗劏房？留返畀唔上進既廢中廢老就好了。
500萬——這是「勇武」核心成員收到資金以後，通過網絡或街頭招募的形式組織激進青年加入，將佣金的小部分給下面的「勇武」暴徒後，自己獨佔的「大頭」。兩個月，淨賺超500萬。
- 所謂「大頭」，我諗即係香港話既「蛇頭」咁解。原來500萬呢口價，係中共平時動員藍絲民眾，係香港搞事既公價黎，唔怪得2014年愛字頭靜心大嬸、2019年屯門執葉何律師，咁熱衷帶隊做蛇頭啦。
2,000萬——這是在發動10月1日大遊行前，「招募死士」計劃所提供的「撫恤金」。「死士」需執行包括殺警、假扮警員殺人後嫁禍、縱火等一系列極端任務。
- 好可惜，到今日為止，都未有警察因為社會運動而死。反而年青黑衣人就犧牲左好幾個。根據「殺頭生意有人做，賠錢生意無人做」呢個中國人傳統智慧，似乎只係吸引到藍絲做「廉價死士」，去執行政法委口中既「極端任務」咁喎。
實際上，持續五個月的修例風波，參予暴力活動領薪酬早已是公開的秘密。充足的資金保障，是暴亂活動能夠持續如此長時間的重要原因！
至於邊個係幕後金主？政法委就話係「西方反華勢力」結合「香港本土反對派」：一半以上資金黎自「美國非政府組織」同金融資本集團；其餘就有「612人道支持基金會」、香港的大學學生會、香港教會同小團體募捐。
作為大國政府，咁樣言之鑿鑿指名道姓，我諗佢一定手持真憑實據。唔好做鍵盤戰士喇，即刻搵林鄭市長落order，叫齊金管局同商業罪案調查科，凍結大大小小美資公司既銀行戶口；加埋蒙面防暴衝上ifc，拉人封鋪啦喂。我地七百萬香港人，支持嚴正執法！
#人人有屋住 #個個戴金撈 #人唔笑狗都吠
註：
- 全稱「中國共產黨中央委員會政法委員會」 ， 係中國「正部級」行政機關，負責政治及法律相關工作（至於咩係「正部級」？who fxxking care，總之就勁野黎啦）。
- 〈 香港暴徒的酬勞曝光，「殺警」最高給2000萬「撫恤金」！〉，中央政法委長安劍，2019–11–13
- 江永祥，警務處警察公共關係科的高級警司，警察四點鐘例行記者會主持人
(2019–11–14)
