做你就做

傳媒人通常有兩種：一種係耷低頭默默做，每日嘅焦點就係當日嘅 assignment ，左手來右手去舖舖清；另一種係邊做邊睇，察覺到某個趨勢，然後警惕返自己唔好隨波逐流。

我喺傳媒嘅日子並唔算長，但係都算見證咗香港社會嘅一個轉角位。 2003 年嘅反政府情緒高漲、2005 年董建華腳痛下台、 2007 年曾蔭權坐正，但咁啱咁橋，就係中央對香港統戰手腕「升呢」嘅一年。當年預見嘅收編、圈養，到 2019 年已經變成常態。

六六和零零來了。不，來的是樂樂和盈盈。

打從星期四早上七點幾開始，就有電視台從四川臥龍直擊大熊貓啟程前往香港。先是簡單而感人的歡迎儀式，接下來就是裝箱上貨車。然後，我已經收工食早餐返屋企大覺訓。

一覺醒來，知道大熊貓有了名字，也安全到了海洋公園。實在的，可以跟安安佳佳湊夠一檯，竹戰去。想到這裡，我忽然想起，原來香港本來已經有兩隻肥肥白白可可愛愛的大熊貓。新來的兩位住客原本不是新鮮人物，但就是因為「中央贈送給香港，慶祝回歸十周年」，所以格外大檸樂。

於是一整晚，報新聞的開首就是「中央贈送……」拋少少書包，就是agenda-setting的權力已經給中央完全搶掉了。選完特首，沒有人想到曾班子的新陣容，大家的目光就全都給牽扯到兩隻可愛baby去。這種技巧，也適用於伊朗總統較早關押十五名英軍士兵一事。掌握了話語權，自自然然就佔上風。

中央是很愛我們的，看我們現在有內地股可炒，洛陽鉬業步步高升，十大成交榜死淨一隻匯豐是非中資股。中央真的很愛我們，回歸十周年會送熊貓，香港的旅行團、鐘表行坤膠人又沒有嚴辭訓斥，還倒過頭來祝福我們「壞事變好事」。縱使大家深知中央的愛，無非為求換來大家同等的愛，愛國，但街頭的老幼伴侶，操作原理亦大同小異而已。 中央已算待大家不薄。

作為市民，我可以選擇逆來順受。但返工的時候，偶爾總會覺得不妥。然而我要到回家準備刷牙訓覺之際才後知後覺。是哦，上班的時候，還是集中要緊，不然報新聞炒到七彩，或者將葉利欽寫成「俄羅斯總統」 (漏了個「前」字，你看見嗎) 就死得人多。

在「專業」當前，我會比任何乖孩子都聽話。一如床上，男人跟女人纏綿，總不能心大心細，不然，輕則香蕉變豆腐，重則叫錯人名、搞出人命。「做你就做啦，咁多野講！」

( 2007 年 4 月 27 日)

上一個豬年，我工作嘅時候係非專心致志不可嘅。呢一個豬年，唔使喇，已經好似呼吸咁自然。當四周嘅空氣有一半都係經由鄰近地區嘅肺部處理過，同事間嘅喧鬧都係普通話同廣東話夾雜，大家已經唔需要擔心中港融合會有咩影響，因為融合已經完成咗喇。而家仲講捍衛香港核心價值？你不如等婚宴散席先入去敬酒丫笨。

做你就做，係一種態度，等你條氣順少少。因為，條氣再唔順，生活仍然要過。你份人有幾有前瞻性都好，眼下嘅工作始終等緊你做。放工之後點樣計劃未來，謀事在人，成事在天。所以點都要有兩手準備，成功嘅話固然可喜，失敗嘅話，行 Plan B 都無大礙。咁，先至對得住自己。