做乜成日提住羅致光IQ 160

講羅致光好煩，因為本屆高官中有個「羅志光」，此「羅致光」不同彼「羅志光」，高官撞名真係好煩。其中一個應該學唯萎，改名免擾民（不過唯萎點改都係唯萎）。

同友人講開我見到「羅志光」（其實個樣我唔多認得），我話唔係 160那個，佢話：「IQ 100」。

原來係咁分。

( 我寫咗咁耐先發現 「羅志光」應為「羅智光」）

也許成日提住 IQ 160只為唔好撈亂邊個打邊個。好似本人中學同學有三人同名同姓，中文當然唔同但我哋好少叫中文名，知道人哋中文名應該算係幾 frd 下。咁有個好鍾意著白鞋返學（原來返學唔一定著黑鞋，唔犯校規的），咁我哋就叫佢白鞋 Karen. 另一個blog叫小太陽，我哋就話 Karen 小太陽。

講開羅致光，我見啲網民談論佢成日講 160，唔知有咩謂。160我連身高都無。

我到而家都思疑 160係炒作，係當年民主黨 為sell 佢而spin 。

不過真係做過 test 有 160唔出奇，你知呢啲 IQ test 嘅嘢，好多人質疑過。包括 is it measuring what it is supposed to measure、著重數理、文字方面 cross-cultural adaptation & translation，用咩scale，係咪有得操等問題。近來有個鬧理科太太 IQ的, 話去到某個 threshold 就爆標 cannot measure（我並唔係話佢啱或錯）。IQ test center搞嚟賺家長錢啫。呢啲嘢問哲學仔啦，佢肯定係資優，佢最critical of 呢啲嘢。

假設佢 IQ 160 (meaning 好聰明）啦，咁 suggest 啲乜呢？

1. IQ真係唔係個人成功最重要因素。好多研究都話係 EQ，或者其他嘢、際遇。好似話 grad sch 後，IQ有番12x定130做底，就係 other things matter.鬼咩， grad sch 大把 politics，只係爭個 coauthorship 都名人爭產咁，去啲 lab 睇下表面好calm 底下屍橫片野。
2. 做政治同 IQ無乜關係。你睇下鄺仔，啲人笑佢考6次會考。好明顯從政，尤其係香港，唔係睇 IQ…鄺仔其實幾成功， 同佢相處就知佢做政客點解佢可以「鄺立鴿群」。
3. 我會話羅致光提倡的政策 changes 符合 welfare state literature 的 findings，但香港能推動嘅可能只係咁多。其實佢IQ咁高，都只係做一個流官。幾多泛民人士如陸恭惠入到去但都無乜作為，例如貧窮線做一半，lift of retirement ages 又做一半。根本係 institution 作怪，你個人幾叻都無用。

如果IQ真係咁高，佢會唔會有感自己浪費一生都毫無成就呢？有番咁上下做科研發明推動人類進步都好吖，好做唔做去做官。呢度又涉及一個 bias，啲人成日覺得資優就要數叻，其實有 case 才能不在那方面。好似下面呢位：

除咗社交個啲問題，資優又會易啲 prone to 其他 disease。有位同學係資優，佢後來住咗兩年青山，雖然完成大學，但做緊勞動工作，在一般人眼中其實都無咩特別嘢做到。所以某位 ADHD KOL 算係咁喇…

資優能貢獻社會，係要天時地利人和。羅致光不如搵啲更好嘅嘢搞下……