低成本拎到同等國泰Marco Polo鑽石級飛行會籍

First class 待遇？ 如果你坐國泰，入到 First Class Lounge / 排First Class 隊／用 First Class Counter check in ／行李 First Class 速度處理（最快出）／快速通關（你成日去泰國好有用）／快速安檢（成田羽田有）/額外行李限額（如果坐日航有3件32kg共96kg行李額） 呢D係國泰鑽石級享受到嘅嘅，但我係 BA Gold 會員都享受到。

睇呢篇文章前，這篇文唔係教你跑國泰嘅會籍，你真係忠粉嘅你跑上去鑽石級保守估計都要至少11K USD啦，我係 BA 隨時只係佢嘅三成價錢就跑到上去。

另外，低成本 mileage run 也要五位數字及需要前往歐洲／澳洲嘅，一係你需要一日內坐上至少4次飛機，當然 Mileage run 我係傾向舒服嘅，事先聲明你真係有需要先好去做。

再講下先，以下所講嘅 Mileage run 係坐 Business class 為主，基本上玩 Club Point 呢類制度都係 Business / First Class 係易D咁樣儲分，而你只坐經濟艙我建議你玩日航 JGC、芬蘭航空 Finnair Plus、美國航空 AAdvantage。

國泰 Marco Polo 鑽石級嘅待遇唔多講，都係 First Lounge / first class check bag priority 等等，總之很爽啦，但都好多人係鑽石級會員，起馬我都有2,3個咁嘅朋友。

如果大家有研究開航空公司嘅就會發現，國泰係屬於 OneWorld 嘅航空聯盟，意味住坐航空聯盟內任何一班機都可以儲到會籍落去 Asia Miles 到嘅，同樣地其他航空公司嘅 membership 都可以儲到國泰航空嘅 Miles，而且 Membership 福利都係八成通用，當然有部分嘅對自家會員喺自家航班上有特別待遇，但大致上都係 Priority check in/ Boarding/ Lounge access 等等，所以無人叫你一定選擇做國泰 Marco Polo 嘅。

當然有好多 Program 好介紹，例如芬蘭航空嘅 Finnair Plus、美國航空嘅 AAdvantage，不過真係跑黎跑去嘅，我有時間不如順手飛埋去旅行，所以我選擇左跑英航嘅 Executive Club 會籍，雖然家陣都仲係 Silver，喺完 Sem 後就會跑埋上 Gold 嘅。

英航 Executive Club 會籍分為 Blue, Bronze, Silver, Gold, GGL，除左 Blue 係免費同埋無 Benefits 之外，其他都係要成本（好廢嘅廢話），而會籍大約係咁。

BA Bronze = OneWorld Ruby

Attained at 300 Tier Points and 2 eligible flight. Priority check in and boarding. Free seat selection 7 days before departure. 25% bonus Avios.

BA Silver = OneWorld Sapphire

Attained at 600 Tier Points and 4 eligible flight. Priority boarding. Free seat selection at booking. Access to business lounges. Extra baggage allowance. 50% bonus Avios.

BA Gold = OneWorld Emerald

Attained at 1500 Tier Points and 4 eligible flight. First class check in and boarding. Free seat selection at booking. Access to First lounges. Extra baggage allowance. Additional reward flight availability. 100% bonus Avios.

想知更多 Detail 就入去 https://www.britishairways.com/en-gb/executive-club/tiers-and-benefits

上面大約都講左大約有咩要求，同埋會有咩坐英航嘅 benefits，而隔離嘅 OneWorld XXX 意味住你喺其他 OneWorld 航班上有咩 benefits，基本上你係 OneWorld 航空公司會員，就會有個 OneWorld XXX 嘅野，平時大家坐飛機嗰陣點都會見到類似下圖咁嘅野。

從最底層紅色係 Ruby 紅寶石，藍色為 Sapphire 藍寶石，綠色為 Emerald 綠寶石，當然 benefits 就底到高啦。

好啦，點解會講到國泰鑽石級同級，只要你上到 OneWorld Emerald 之下，基本上算係同級嘅待遇，例如 First Class 用到嘅野你都用到咁制（當然間間有少少唔同，總有野益自家客），不過國泰自家嘅野都唔算有咩突出嘅野。

再講下先，平時大家用嗰張 Marco Polo 銀卡其實只係 OneWorld Ruby，坐國泰嘅航班先入到國泰嘅 Business Lounge，但坐上其他 OneWorld 嘅航班上只有 Business Check in and Boarding，連額外行李都無呀；而國泰嘅金卡等同 OneWorld Sapphire，只要坐上任何 OneWorld 航班都可以入到任何一個 Business Lounge，行李係 Business priority 等等。

不過，要拎上一張銀卡嘅成本，同英航 Bronze 會員相比之下，真係相差有段距離吧，當然我都係教大家跑上英航 Silver 甚至 Gold，因為英航嘅 Bronze 喺我手中只有短短一個星期就升左上去 Silver。

喺兩家會員制度下，喺國泰Marco Polo要達到 600 Club Point 先有金卡同埋 OneWorld Sapphire，而英航就係 600 Tier Point 同埋 4程 BA/IB 航班，就會有 Silver 同 OneWorld Sapphire，表面上數字係一樣，但賺取嘅過程就相差好遠。

今次用其中一個重要嘅航班，卡塔爾航空香港去多哈商務艙去講下差距去左邊先。

咁經濟艙呢 ? 基本上玩 Club Point 呢類制度都係 Business / First Class 係易D咁樣儲分，而你只坐經濟艙我建議你玩芬蘭航空 Finnair Plus、美國航空 AAdvantage

嗯，即時睇到個差別，喺英航上面已經有 140Tier Point，相反國泰只有 60Club Point，基本上飛 Qatar Business Class 去歐洲就有4程機，一個 round trip 就已經有 560 Tier Point，而只係差40Tier Point 就達到 Silver member，而且你要喺歐洲到飛返4轉 BA/IB 航班，應該差唔多夠數，要記得 Tier Point 只可以喺 OneWorld Flight 上面先有，唔可以用錢直接買架，你飛左轉歐洲咁就有個旅行。

Qatar Business Class 價錢幾多呀 ? 如果做 Promo 嗰陣大約 16K~22K HKD嘅，當然睇航點而定，想試 Qatar Qsuite Business 就記得飛 LHR or CDG 嘅航班，另外飛 LHR 都有機會坐到 BA 嘅航班，因為 BA 係有同 Qatar 做 Code share DOH<>LHR 航班，但小弟對 BA Business 嘅評價真係好麻麻。

另外，Qatar 有D唔喺香港出發，例如 KUL / CMB 出發嘅航班，有時做起 Promo 上黎可以大約10K HKD，而 HKG 去 KUL / CMB 都有 OneWorld 航班俾你做駁腳仲有 Tier Point 賺。

唔想去歐洲咁點算 ? 另一個代替方法係你坐去新加坡坐 BA 落去 Sydney，不過一程要坐8個鐘頭機，我都係推薦落飛去歐洲坐BA好過啦。

基本上做曬上面嘅野就可以達到 BA Silver member，入到 Lounge 行李又優先覺得夠嘅，你可以再繼續睇落去

－－－－－－－－－－－分隔線－－－－－－－－－－－－－－－－－

上到 Silver ? 所以呢 ? 都未到鑽喎

跟住落黎就講下點樣上到鑽級，返到香港搵一個星期嘅時間，準備定上去馬航官網 Search TPE to SIN / TPE to PEN，呢兩條線大約 4000HKD 左右（最近港紙唔爭氣去左 $4300–$4500），一轉有 360 Tier Point 飛返兩轉，你應該有720 Tier Point，再飛多個 round trip TPE to KUL……

其實另外平選擇係由中國嘅城市飛，不過我入唔到中國，同埋經常 ATC Hold 會 Delay，我唔多建議，但你想平可以搏，同埋有馬航 A330 真 J 凳，無錯 TPE <>KUL 用 738 假 J 架。

咁大約多16K左右你就可以上到 Gold member，真係等同鑽級，而且 BA 個會籍制度係 Soft land，你 maintain 唔到嘅只會 land 左去 Silver，嗰陣你都仲可以有 lounge 入……

點解唔香港來回 KUL，唔係會好D咩，你睇下呢份表就會明

如果你飛 HKG to KUL 係唔夠 2000miles，只有40 Tier Point，但係 TPE to KUL 就超過 2000miles，就會有 140Tier Point，數你識計嘅，就不如去 TPE 飛啦。

好啦，我都講到7788，但係上面講嘅方法都係正常操作所需嘅成本，如果你搵到張 KUL to Euro Qatar Business Class，喺歐洲飛埋4程BA/IB航班，最後你只係要買嘅機票大約係咁

1xHKG to KUL Econ round trip ticket (Cathay Dragon)

1x KUL to Euro Business class round trip ticket (Qatar Airways)

1x KUL to TPE Business Class round trip ticket (Malaysia Airlines)

2x TPE to SIN Business Class round trip ticket (Malaysia Airlines)

4x British Airways / Iberia Econ ticket

嗯嗯，就係咁多啦，而 Miles 有咩用 ? 我下篇文會講下嘅，同埋有咩問題可以pm下我，如果你有我 Facebook 的話，另外機票組合種多，可以試下上 Google Flight 去搵下唔同機票組合，仲有15個鐘就考試了，寫住咁多先。

7 May 2018 0420am by Wilson Li