《以私謀權》這個時代要睇的紀錄片

在呢個時代，除咗《 澟冬烈火： 烏克蘭自由之戰》( Winteronfires) （其實我未睇哂）之外，有一套同樣要睇的是《 以私謀權 》( Thegreathack )，講劍橋分析 點樣用不道德的方法去拎咗啲Facebook 資料，再進行一啲 digitalcampaign ，去幫特朗普去贏選舉、影響英國脫歐 的投票結果。

根據每個人的profile同埋性格分析，去餵一啲適合你睇的內容，從而令你產生情緒反應（多為仇恨同憤怒），繼而令你去決定（影響）你的立場，而最有影響性的，就係自稱中立的人。

這是套令人心寒的紀錄片，每個人都會墮入呢個陷阱裏面。因為最近經常檢舉對家的Facebook page ，發現對家的文宣只訴諸於情緒，以幾秒的片段去令（偽）中立去信服；同樣地，最近睇連登同Facebook ，明顯感受到畀人帶緊風向，因為長期之來的不公，令仇恨容易滋長，容易做錯決定。一方面，我哋要令自己心靜如鏡，冷靜判斷；另一方面，對如（偽）中立的人有呢種profile ，我哋係咪可以對症下藥，特別走出網絡世界的同溫層，社會的氣氛明顯變緊。

有時不禁懷疑，究竟呢幾個星期，我哋能夠改變幾多人，又有幾多人能夠改變。

另一方面，讓人心寒的還是本片的重點。數據權，學片中的Brittany Kaiser係離開劍橋分析，以及其中一個記者所言，是依家每個人的人權。

大陸，出名監控出哂汁的地方，能掌握所有人的profile，再以演算法去挑起仇恨，正正因為呢種高壓的監控，令到大家都沒有自由，間接地被洗腦改造。因此，我哋先會反對監控燈柱，也不希望我哋的數據足跡會被人會作不道德的交易。