《中國娼妓史》第四章下：FBI！！！即刻同我放開個男仔！！！
1. 魏晉係玩男仔嘅年代，精神錯亂嘅作者數左六個玩男仔嘅種類。都係嗰句，讀哩本野要用腦。
2. 一、公然狎眤而不以為諱
《北齊書．卷28．元韶傳》：齊主嘗剃元韶鬢須，加之粉黛以自隨，曰：「吾以彭城為嬪御。」言其懦弱如婦人也。
壽按：哩個故事係皇帝侮辱前朝皇親國戚元韶，剃左佢嘅鬍鬚，話佢好似女人咁廢。
而做喱件事嘅齊文宣帝高洋係出名玩開亂倫強姦輪姦青姦群交野外露出。
作者哩個「公然狎眤而不以為諱」實在係牽強至極，完全唔可以代表啲咩社會現象。佢係皇帝，仲要係癡線嗰隻，佢想點就點架啦。
3. 二、因偶然失戀乃侮辱孌童或動殺機
《南史．卷五一．梁宗室傳上．長沙宣武王懿傳》：韶昔為幼童，庾信愛之，有斷袖之歡。衣食所資，皆信所給。遇客，韶亦為信傳酒。後為郢州，信西上江陵，途經江夏，韶接信甚薄；坐青油幕下，引信入宴，坐信別榻，有自矜色。信稍不堪，因酒酣，乃徑上韶床，踐蹋肴饌，直視韶面，謂曰：「官今日形容大異近日。」時賓客滿坐，韶甚慚恥。
壽錯譯：
蕭韶細個嘅時候，庾信好中意佢架，夜晚蕭韶會叫庾信做爸爸，庾信又會請蕭韶食棒棒糖。而蕭韶平日衣食住行，就梗係庾信埋單啦。至於平日庾信接待賓客，蕭韶又會負責斟酒咁囉。
後來蕭韶大個仔啦，搵到份工叫做郢州刺史，唔洗再靠庾信爸爸生活啦。有次庾信路經江夏，蕭韶好冷薄咁接待庾信，食飯叫庾信坐埋一邊食。身為（前任）爸爸，庾信完全接受唔到，食到一半就扮醉，走去蕭韶個位，掃哂佢啲野食，望住佢講：「你已經唔係好似以前咁啦！」
當時，成屋都係人，蕭韶非常慚恥。
僧達族子確年少，美姿容，僧達與之私款。確叔父休為永嘉太守，當將確之郡，僧達欲逼留之，確知其意，避不復往。僧達大怒，潛於所住屋後作大坑，欲誘確來別，因殺而埋之。從弟僧虔知其謀，禁呵乃止。
壽錯譯：
王確後生靚仔，身為同族父輩嘅王僧達同佢暗通曲款。王確老豆王休成為永嘉太守，要帶埋王確去。王僧達想逼王確留低，而王確知佢諗咩，就唔再見王僧達。
王僧達好嬲，偷偷喺自己屋企掘個大坑，想叫王確過黎，然後殺人埋屍。從弟王僧虔知道後，制止左佢。
4. 三、因戀孌童與妻斷絕或累殺妻
《宋書．五行志》：「自咸寧太康以後，男寵大興，甚於女色，士大夫莫不尚之，天下咸相仿效，或有至夫婦離絕，怨曠妒忌者。」
《魏書．汝南王悅傳》：「（元）悅妃閻氏生一子，不見禮答。有崔延夏者以左道與悅游，令服仙藥松術之屬。又好男色，絕房中，輕忿妃妾，至加撻楚。」
《晉書．石虎傳》：「（石虎字季龍）聘將軍郭榮妹為妻。季龍寵優童鄭櫻桃而殺郭氏。及娶清河崔氏女，櫻桃又譖而殺之。」
壽按：《宋書．五行志》哩段引文好呀，證明男寵唔係個別事件，HEHE係全個社會嘅現象。
5. 四、夫婦同愛孌童
《晉書．帝紀第八．廢帝海西公》：誣帝在籓夙有痿疾，嬖人相龍、計好、朱靈寶等參侍內寢，而二美人田氏、孟氏生三男，長欲封樹，時人惑之。
壽按：哩個又好奇怪。海西公aka晉廢帝，係被權臣桓溫廢除嘅。當時桓溫廢除佢嘅理由係陽痿扯唔起。有啲似某個國家好中意屈人嫖娼咁。而哩個故事似係海西公男女都得，多過「夫婦同愛孌童」。
6. 五、因愛孌童而功名沉滯
《宋書．謝方明傳》：
子惠連，幼而聰敏，年十歲，能屬文，族兄靈運深相知賞，事在《靈運傳》。
本州辟主簿，不就。惠連先愛會稽郡吏杜德靈，及居父憂，贈以五言詩十餘首，文行於世……十年，卒，時年二十七。既早亡，且輕薄多尤累，故官位不顯。無子。
壽按：哩個謝惠連只係HEHE，只係老豆死左但仍然寫十幾首詩畀男朋友仔，就被時論所譏而官位不顯。但我好懷疑如果唔係早死，作者可唔可以下到「因愛孌童而功名沉滯」嘅結論。
7. 六、狎眤孌童見於言論著述
梁 劉遵《繁華應令》
可憐周小童，微笑摘蘭叢。鮮膚勝粉白，曼臉若桃紅。
挾彈雕陵下，垂釣蓮葉東。腕動飄香麝，衣輕任好風。
幸承拂枕選，得奉畫堂中。金屏障翠被，藍帊覆薰籠。
本欲傷輕薄，含辭羞自通。剪袖恩雖重，殘桃愛未終。
蛾眉詎須嫉，新妝遞入宮。
梁 蕭綱 《孌童》
孌童嬌麗質，踐董復超瑕。羽帳晨香滿，珠簾夕漏賒。
翠被含鴛色，雕牀鏤象牙。妙年同小史，姝貌比朝霞。
袖裁連璧錦，牋織細橦花。攬袴輕紅出，廻頭雙鬢斜。
嬾眼時含笑，玉手乍攀花。懷猜非後釣，密愛似前車。
足使燕姬妒，彌令鄭女嗟。
8. 壽總結。雖然作者嘅分類係不倫不類，非常牽強。但係，都畀返credit 佢做資料搜集啦。不得不提「孌童」詩，真係唔講唔知。