三分事實七分虛構

收聲今天一入課室就說「我今日小休果時練習打鼓。」我望向LKH，她竟然說：

「係啊，真架！」（大驚！他居然講真話！）

我問：「咁你真係拎塊鼓板出黎練啊？」

「係啊，咁我就咁打打打，好大聲。然後d同學都覺得好嘈um住耳仔。」

「老師呢？」

「老師咪鬧我囉。然後我就@#$%^%$##@#$%（手舞足蹈）跟住就篤到XXX對眼啦。跟住我又繼續打啦又拎起塊鼓板碌碌碌。然後就有隻麻雀飛入黎喎，咁我咪捉住佢然後拎把刀拮死佢，再mung晒佢d毛囉。」

「嘩，有刀添啊？幾大把架？」

「咁大把架（伸直雙手）！」

「咁大把？有幾重架？」

「一千零二十斤。」

「俾朱Sir睇下得唔得架？」

「我收埋響班房啊。」（LKH一直搖頭）

「哦，拎黎俾朱Sir睇下？」

「……」

「……」

「……」

「……」

突然，收聲轉了話題：

「我今日拎對鼓棍撩耳屎，我有洗架。」

他在課堂上是經常用鼓棍挖耳洞及鼻孔的，而且會以口含鼓棍作結的，我如何勸喻也制止不了……換言之，應該是有洗鼓棍這部份是假的。

我問LKH剛才收聲說的又是假的嗎？她說除了他真的拿了鼓板來練習和給老師罵，其他都是假的。

「咁佢練習時打得好唔好？」

「佢亂打既，我都唔知佢練乜。」