Narsissisten sine svake sider

Ei ressursgruppe for å hjelpa narsissisten og psykopaten sine offer

Velkommen til the Narcissist’s Weaknesses / Narsissisten sine svake sider

The Narcissist’s Weaknesses er ei ny ressursgruppe på Facebook for å hjelpa offer for narsissisme og psykopati.

Gruppa er blitt oppretta for å hjelpa menneske som har blitt utsatt for narsissistiske opp psykopatiske overgrep, og for å støtta og hjelpa deira nærmaste. Hensikten med gruppa er å tematisere fenomena narsissisme opp psykopati, og å gjera tilgjengeleg viktig informasjon om narsissistar og psykopatar sine handle- og veremåtar.

Vi bruker to språk i gruppa, engelsk og norsk. Engelsk er hovudspråk, og du kan velja det språket du vil skriva i gruppa på. Innlegg på norsk blir som hovudregel omsett av administrator frå norsk til engelsk. Dersom du vil reservera deg mot at administrator set om innlegget ditt frå norsk til engelsk kan du skriva dette på slutten av innlegget.

Administrator vil også i nokre tilfelle — eventuelt på oppfordring — setja om til norsk innlegg som originalt er publisert på engelsk.

Den generelle bakgrunnen for å oppretta gruppa er at narsissistisk og psykopatisk handlemåte og oppførsel finst i samfunnet og at dette rammar uskyldige menneske. I nokre tilfelle resulterer dette i øydelagde liv for ofra.

Gruppa er no (september 2021) i startfasen. Administrator vil arbeida med å skapa ein struktur og setja ein dagsorden som gjer at besøkande og medlemmer i gruppa kan finna den hjelpa dei kanskje ser etter. Gruppa er oppretta som open (offentleg) gruppe, men kan seinare bli konvertert til privat gruppe.

Vi vil i første omgang ha fokus på kva narsissisme og psykopati er, og kva som ikkje er narsissisme og psykopati. Det er nemleg viktig å vera kritisk til bruken vår av omgrepa narsissisme og psykopati.

I følgje vitskapen er det slik at vi alle kan ha narsissistiske trekk og vi kan også alle ha psykopatiske impulsar som vi som gjer at vi lar irritasjon eller sinne gå ut over andre i nærleiken av oss.

Det blir feil å kalla personer for narsissistar eller psykopatar berre på grunn av ein enkelt episode eller eit enkelt trekk i personlegdom eller i framferd som vi kjenner igjen frå beskrivingane av narsissistar og psykopatar.

Vi skal i det heile vera veldig forsiktige med å karakterisera enkeltpersonar og medmenneske som det ene eller det andre. Sannsynlegvis kvalifiserer under 1% av befolkninga til karakteristikken narsissistisk person, eller til karakteristikken psykopat.

Innlegg er frå no av velkomne! - Vi forventar og krev respektfylt framferd av alle som skriv her. - Gruppereglar blir utarbeidd og publisert i nær framtid.

Dette initiativet blir tatt av ein person som ikkje er fagutdanna innan helsefag. Bakgrunnen min for å gjera dette er ting som eg har erfart og sett når det gjeld enkelte individ si omsynslause framferd mot sunne, normale, friske og nokre gonger godtruande menneske.