《技術文：Thanos終於計啱數？》
一年前嘅上集：
＊＊＊本文含《終局之戰》電影劇透＊＊＊
＊＊＊本文含《權力遊戲》電視劇劇透＊＊＊
(1) 劇情
EndGame《終局之戰》，9.9分。
抱住 Infinity War《無限之戰》嘅高期待入場，《終局之戰》依然無令我失望。
我對 Marvel Cinematic Universe嘅編劇、尤其是《終局之戰》嘅羅素兄弟，佩服到五體投地。單單將《終局之戰》同過去電影嘅戲份結合而不失合理性，一路睇一路驚嘆。當中好幾個細微位幾年前已經諗好（例如隊長拎起雷神個鎚、Ironman喺復2中預視到嘅未來）；《終局之戰》甚至翻拍《星際異攻隊》第一集、《無限之戰》嘅情節去拎石頭，你唔覺得重複同悶。
最欣賞係編劇處理兩個片約完結演員嘅方法：首先，美隊同 Ironman兩個都唔係畀 Thanos直接殺死，彰顯邪不能勝正呢個政治正確嘅結局；第二，兩個人解咗角色多年嚟嘅心結 (Tony Stark殺咗 Thanos呢個復1出現嘅心魔、隊長想做返普通人同 Peggy 一齊過)；第三，如果同一場戰役 Ironman同隊長先後死亡，邊際震撼力一定大減（你可想像為兩個人死嘅總震撼力不及單人死*2），只得 Ironman直接為救全人類而犠牲，感動好多。黑寡婦嘅死處理得有一點婆媽，但仍可接受。
二人結局，合情合理又感動到大家，更結合到整個世界觀同劇情－淨係隊長拎得起鐵鎚之後坐時光機去還鎚還寶石再坐時光機去遠古再續前緣已經結合咗起碼四套戲嘅劇情。全個 MCU廿幾套戲，獨立睇某啲戲有啲悶，《無限之戰》同《終局之戰》係結合所有精髓，共冶一爐嘅電影。夠大眾化（你冇睇中間啲黑豹啊、奇異博士啊都唔會唔明，只係有啲地方你唔識笑）、有娛樂性、有感動、有前呼後應、些少 fans導向（淨係死忠 fans導向就食得屎），大家各取所需，作為一套大結局，仲想點？
我無諗過睇超級英雄電影會流幾次眼淚：第一次係美隊拎起雷神個鎚嗰幕，感動到標眼淚－呢幕 MCU喺2015 Age of Ultron已經有伏線－到隊長堅拎起超感動；第二次係見隊長咁型，普通劇情會話你知呢個角色通常好快會收皮；第三次係 Pepper同 Tony Stark講：
“We’re gonna be okay. You can rest now.”
嘩，我屌！一句已經令你回想起 Tony Stark自從 Avenger 1開始冇覺好瞓嘅慘況，而家只能以死換取安眠。事實上，片中三次出現 “It’s okay.”－黑寡婦跌落崖底前、Stark死前 Pepper講、隊長臨出發還石前－相關嘅演員就會離開／死亡。
導演已經算好忍手，Ironman死嗰幕可以煽情十億倍－佢啪手指嗰一秒剪返以前嘅片段、死嗰陣畀多兩句對白，而家呢句簡簡單單已經夠。MCU Phase I以 Ironman開始、Ironman結束，好圓滿。
上次嗰篇文寫過：
你知道主角英雄一定唔會死；死，都係假死。真死嘅，並唔係因為劇情要佢死，而係因為片約同片酬令佢死。
Chris Evans同 Robert Downey Junior片約已完，加上出得太多場，觀眾遲早厭，早不如整個高潮，喺最頂峰了結佢哋兩個嘅戲份。捨得將兩個最受歡迎嘅角色/演員幹掉，你不得不佩服 MCU－反觀香港，漫畫龍虎門嘅火雲邪神、白蓮教教主同主角一樣咁長壽……
《終局之戰》要挑剔嘅位唔係冇（以戲份計，雷神同老竇嘅感情點都多過同老母），時間旅行嘅原理亦係任佢講。最搞嘢係無限寶石點會變咗龍珠，集齊六粒啪一啪手指就許乜嘢願－復活／毀滅邊啲生物－都得？呢啲都係枝節，不重要。《終局之戰》會喺人類電影史上一個超級重要嘅里程碑，一套史詩式鉅獻。嚟緊好一段日子（以年計），《無限之戰》同《終局之戰》將係系列製作、大製作嘅經典，用嚟作比較嘅標準。
相比之下，同樣喺今年4月大結局嘅 Game of Thrones，劇情令人極度失望。劇本薄弱、角色弱智、對白豆泥、橋段矛盾、輕重不均，六集徹底摧毀系列多年辛苦建立嘅名聲同地位。有好幾次我睇到大叫 “What the fuck”，HBO畀多咁多錢拍，點解唔審一審個劇本先？結局固然重要，點樣 arrive at the conclusion，先係編劇應該做嘅嘢。
＿＿＿＿＿＿
(2) Thanos計啱數？
Thanos係滅世級怪物，《終局之戰》中冇任何寶石，仍足夠打贏雷神+Ironman+美國隊長。《終局之戰》更顯示佢嘅智慧：只係睇咗未來版本迪波拉幾個鏡頭，已經可以推斷出 (1)自己喺未來成功儲齊石頭、(2)呢班蛋散係諗住返嚟改變結果同(3)自己應該點樣應對同改變計劃。
幾十秒，簡單明快交代顯示 Thanos有幾聰明。MCU標榜最聰明嘅人類－Tony Stark 同 Banner只係技術上轉數快、Shuri（黑豹個妹）……建樹就係擁有「最聰明人類」嘅標籤。而 Thanos嘅判斷力智力係呢班正義聯軍嘅總和。
Thanos 最最最聰明係乜？佢發現自己未來成功滅咗一半人，淨低嗰一半人依然唔好好享受，要返去古代覆桌，跟住 Thanos即刻調整自己個計劃，將殺一半人變做殺晒所有人！！！！！
如果你跟著個老闆，佢有個宏大嘅計劃，搞搞下發現行唔通，但已經洗濕個頭，佢識喺幾秒內講個更正更宏大嘅計劃，呢個人跟得過啊。Thanos超級聰明，發覺自己個計劃行唔通，即刻改變航道，唔似佔中三子咁死板一咪佔領中環佔領金鐘啊！！！好多奸角發覺自己條橋唔掂，一般會攬炒或者放棄，但 Thaons冇呀！一樣搶六粒石返嚟，成本一樣但殺更多人使用效率更高。
上篇講 Thanos嘅文，我提到：
///佢嗰個「隨機」滅絕一半人口計劃，根本無助解決宇宙資源不足嘅問題。
當然，人少咗，總資源嘅耗損會少咗，但 Thaons咁辛苦做完咁多嘢，宇宙依然耗損緊。
如果你講緊根本宇宙生物 as a whole係消耗緊宇宙既有嘅資源庫存， 當中有人貢獻正數、有人食緊宇宙老本，Thanos要做嘅係消滅宇宙中食老本嘅人，而唔係用一個隨機嘅方法去殺人。上面簡單嘅代數話你知，隨機嘅減少，本質上宇宙生物仍然消耗宇宙嘅資源庫存，不同嘅係消耗速度慢咗。///
即係點？殺一半唔work，殺晒就搞得掂了！！！但隨即佢又講，會重新創造世界，變返啲無記憶嘅生物出嚟。
喂，咁咪即係走回頭路？因為資源唔夠所以要宇宙裁一半員嘛？你轉頭又變返啲生物出嚟？
當然無乜人會記得……Marvel將超級英雄片中奸角嘅水平提升到另一個層次，做奸角都要講合理動機＋錯誤手段、自身條件、個人性格、智慧同戰力。
呢樣嘢喺 MCU貫穿咗好多部戲－由 《Ironman I》嘅 Obadiah Stane/Jeff Bridges（公司第二把交椅）開始，越有自己動機嘅奸角越吸引；最弱雞嘅大佬，往往就係純粹為統治地球而存在嗰啲（《雷神2》嗰團黑氣、《復2》隻Ultron）。統治宇宙、報復、為錢呢啲動機只適合一般大佬；你唔能夠只為奸而奸－《正義聯盟》邊個係大佬－but who really cares? Lex Luthor要組個壞人聯盟，但 Lex Luthor目的係乜？《蝙蝠俠對超人》當中佢只係一個有中二病嘅有錢人。《Suicide Squad》嘅女頭目成套戲喺度煮南瓜湯究竟係做乜？
Obadiah Stane (Iron Man) : Death; killed by Ironman Vanko (Iron Man 2) : Death, killed by Ironman and War Machine Killian /Mandarin (Iron Man 3) : Death, killed by Pepper
Loki (Thor) : Disappeared Malekith (Thor: The Dark World) : Death, killed by Thor (with help of Jane Foster) Death (Thor: Ragnarok) : Death, killed by explosion
Red Skull (Captain America: The First Avenger) : Disappeared Bucker (Captain America: The Winter Soldier) : Disappeared ?(Captain America: Civil War): No one dies
Emil Blonsky (The Incredible Hulk) : Death, killed by Hulk Loki (Marvel’s The Avengers) : Captured Ronan (Guardians of the Galaxy) : Death, killed by the stone Ultron (Avengers: Age of Ultron) : Death, killed by Vision Dormammu (Doctor Strange):Withdraw from war Ego (Guardians of the Galaxy Vol. 2) : Death, killed by a bomb (set up by the guardians) Toomes (Spider-Man: Homecoming) : Arrested. Beat by Spiderman Killmonger (Black Panther) : Death, killed by Black Panther
呢個統計幾有趣，因為好少壞人係畀主角唔靠外力、唔靠其他人幫手而打敗大佬。
＿＿＿＿＿＿
(3) 偷襲者聯盟+殺敵三招
Marvel正義一方角色多為人類，敵人好多外星生物。人類始終有極限－最多加外掛（Ironman嘅戰甲、隊長個盾），依然脫離唔到生物同物理限制，但外星生物嘅能力好強大。
主角正常情況下根本唔會打贏，於是《無限之戰》就出現咗幾幕主角偷襲＋圍毆嘅畫面。以 Thanos四個手下Black Order為例：
Cull Obsidian：大隻佬，坦系角色。第一次畀 Wong偷偷地送咗去極地，仲斬咗佢隻手；第二次畀 Banner用 Hulk Amor送咗去天畀個防護罩燒死咗。唯一一個唔係死於偷襲嘅 Black Order成員。
Proxmia Midnight：高妹。畀 Scarlet Witch喺背後用念力送上天再畀車碌輾過而死……而佢本身已經一揪二打贏咗 Black Widow同 Okoye……咁辛苦為乜？
Ebony Maw：捉 Dr Strange上船嗰個外星人。佢畀蜘蛛俠同 Ironman偷襲，因為氣壓高低被拉咗出太空船凍死咗……好慘。
Corvus Glavie：四人當中表現最平凡嗰個。畀 Vision喺背後偷偷哋用自己把武器殺死。
總結，Thanos四個貼身保鏢當中三個畀「正義聯軍」圍嘔再偷襲而死……然後 Thanos喺泰坦星遺址，又係畀 Ironman + Spiderman + Dr Strange + Guardian of the Galaxy等人偷襲，差啲成功。乜春嘢「復仇者聯盟」？叫「偷襲者聯盟」就差唔多。事實上，Thanos最終只係直接殺咗洛基、契女迪波拉同 Vision，其他都救得返。
Ironman殺死 Thanos大軍，都係靠開外掛，有代價咁啪咗一下手指。觀乎成套戲，「正義聯軍」靠殺敵三招－圍毆、偷襲、外掛，班正義聯軍邊有羞恥之心……我好想知萬一 MCU第二階段嘅最後大佬係成層樓咁高嘅 Galactus，唔通班 Avengers又要靠「殺敵三寶」？我自己就覺得壞人們自己有個壞人聯盟，嚟個百人中出大激鬥都幾好啊……
＿＿＿＿＿＿
(4) Captain Marvel
Brie Larson拍呢套戲嗰陣係咪有屋企人過咗身？
套戲已經出得少（好在），一出現就閪口閪面，唔好咁啦……未打之前吹噓到自己幾勁幾勁，一開波兩嘢就畀人打暈，十足十啲男人話自己一晚射到幾多次（將「插十下」講成「射十次」）。
嗰幕女英雄大集合，嘩，你老味，真係毛管戙。
原本套 EndGame《終局之戰》值10分，呢幕扣咗0.1，得9.9。
Follow me on Medium，我嘅文字唔會令你失望（不過寫文嘅速度會）。
https://medium.com/@relgitsjgFacebook page：https://www.facebook.com/Relgitsjg