Run & Fit W4: 我在培養跑步好習慣
當變成習慣，一切就不再那麼困難。
為何堅持不節食？
哪有人要Keep Fit但不節食？我。原因如下﹕
一、我本身不是超胖胖，食量也不大，所以不用(也不能)太大幅度地從飲食中減少卡路里吸收。
二、雖然不節食，但亦有改變一些飲食壞習慣，減甜飲、減飲酒、減零食、多喝水，這些小改變已有些小成效！
三、其實如果完全戒掉美食，做人還有甚麼樂趣呢？
四、我的重點其實是keep fit，想線條健美多於減輕磅數，所以吃少一點和輕一點都不是最重點。
家居&辦公室飲食小貼士
以下一些小貼士是我自己在飲食上的調節，減少一下不必要的卡路里吸收﹕
- 為了避免喝汽水或甜飲，雪櫃多存放梳打水(滿足喝汽水的欲望)、無糖茶(體貼不愛喝清水的口味)。
- 公司用大大大水杯 / 沖一壺清水，每天不喝完不放工！(多喝水又要多上廁所，無形中都走多兩步路，每一動都是運動，都會消耗卡路里！)
- 家中或公司都盡可能不放零食，亦不主動買零食。(口痕時無得食就係無，要特登落街去買先有得食，咁就會增加阻力，減低食零食嘅機會)
- 家中放少少水果，如果好想吃零食就吃水果。(雖然有糖分，但總好過就直接咁食糖/宵夜/零食)
- 夜晚好想食宵夜時會買碗無糖豆腐花。(至少無脂肪、無糖分，有大豆營養，食完又好飽)
當行為變成習慣，一切就變得沒那麼困難。
不要做港女廢運動！
「入少出多」是王道！
Keep fit 就是一條卡路里加減數，只要每日卡路里的消耗比吸收多就自然能瘦下來，所以如果要不節食，又要有效Keep Fit，唯一有效方法是運動，增加卡路里的消耗！
我說的是「真．運動」，因為有人這樣對我說﹕
你唔好做埋啲港女廢運動！即係話 1分鐘 Plank燒 1000卡嗰啲呀！
7 Mins Workout 對我來說其實是鍛煉意志、養成每日運動的習慣，多於是真正鍛煉身體，不是完全沒用，但如果真的想有較明顯的減磅與瘦身效果，7 Mins Workout 不是最理想的運動選擇，但對於「修靚線條」是有幫助的，譬如是我想要的「馬甲線」。(實不相瞞，一個月的少少少少少少努力，我副馬甲都返咗嚟少少少少少少，係咪要有圖先叫有真相？)
增加肌肉量，打造易瘦難肥體質
但其實做任何運動(包括 7 mins workout)也好，只要增加到肌肉量，長遠對keep fit 減肥都有一個十分好的幫助！因為肌肉能幫身體消耗更多卡路里，只要肌肉量一日一日地增加，即代表身體的「燒脂力」也不斷提升中，同一食量和活動量之下，肌肉量多的人會更易keep fit！
2020年6月20日，117. 4磅，累計 21km
我的 Keep Fit 日記13 JUN 2020 (六)
運動﹕7 mins workout
飲食﹕無早餐；西班牙火腿、無糖豆漿（午）；朱古力鮮奶走甜；刺身、卷物、清酒（晚）14 JUN 2020 (日)
運動﹕無
飲食﹕無早餐；咖喱雞髀飯、凍奶茶走甜（午）；蛋撻X2、熱浪薯片幾塊；生蠔、刺身、藍莓芝士蛋糕、橙汁（晚）15 JUN 2020 (一)
運動﹕7 mins workout
飲食﹕菠蘿包（早）；朱古力曲奇；唔記得食lunch；水煮魚、蒜泥白肉、魚湯白菜、擔擔麵、黑芝麻卷、啤酒（晚）16 JUN 2020 (二)
運動﹕跑步5km
飲食﹕餐蛋治、熱奶茶走糖（早）；豬軟骨溫泉蛋飯、薑汁牛奶咖啡...有糖好甜（午）；牛筋丸麵、紅豆冰-跑步後的小獎賞（宵夜）17 JUN 2020 (三)
運動﹕7 mins workout
飲食﹕芝士燒餅、熱奶茶走糖（早）；日式燒和牛、凍咖啡走糖（午）；魚蛋、八爪魚各1串、榴槤1舊-係有啲9588（宵夜）18 JUN 2020 (四)
運動﹕7 mins workout
飲食﹕燒賣點心、熱奶茶走糖（早）；牛扒、凍檸茶少甜（午）；五星級酒店但唔好食的雞、一般般的意粉（晚）；2杯唔錯嘅Cocktail + 2杯好正嘅Cocktail(呢間Bar好正！下面要介紹返！)19 JUN 2020 (五)
運動﹕7 mins workout
飲食﹕菜肉包、熱奶茶走糖（早）；飲茶 - 蝦腸、菠蘿叉燒包、沙爹金錢肚、煎蘿蔔糕、椒鹽魷魚鬚、鮑汁鳯爪（午）；粟米魚肚羹、咖哩牛腩飯、烏龍茶（晚）REMARKS:
只有 1日偷懶無運動過，做咗5次 7 mins workout、跑過5km，但無做yoga。
有幾日都食得相當飽，但破戒事件亦相當少。做人應該有堅持，我就係唔要好慘咁地獄式節食！俾多啲時間自己慢慢keep返fit！跑步是不二之選！
「千里之行，始於足下。」
如果想fit，特別是如果想一邊繼續享受美食又一邊fit，高能量消耗的運動是不可少，跑步對我來說算是一個十分好的選擇，成本低、裝備簡單、時間彈性， 這樣最有利坐言起行！齋講唔做唔會瘦！(體重過重的人要注意跑步對膝頭的負擔)
跑步是為了有空間吃更多，吃更多跑才有動力再努力跑。
4星期累計下來跑了21km，not too bad，不完美、可接受、要改善。我現在用以下方法進一步幫自己養成跑步習慣﹕
為下星期預留「跑步時間」
大家生活忙不忙？我是有點忙，節目有點多，心又點貪，如果不預先為下星期預留時間去跑步，很大可能到時候就會有很多理由(工作忙/身體累/朋友飯局/天氣不似預期)而沒去跑。所以我會預先在下星期的日程中，至少預留一個Time slot去跑步。
約朋友一起跑，一起跑更遠
找志同道合的朋友一起跑，不但可以互相勉勵，更重要是慎防自己「縮沙」，約好人物、日子、時間、地點，想打退堂鼓就要厚住面皮「放飛機」，所以每星期約朋友一起跑就成為我能保持每周至少一跑的習慣。
找個朋友挑戰一下，來一場比賽
無聊但(對我)有效，找個實力相若的人來挑戰一下，大家比賽一個星期/一個月裡誰能累積更多里數，輸了請吃一頓飯。賭注是甚麼都不是重點，重點是多個理由讓自己有動力去跑。
閒着沒事打機、睇電視？換衫着鞋落街跑！
有時候做人真的很浪費時間，在家看看電視、玩玩手遊又燒了兩三小時，當意識到自己閒着沒正經事在幹時，就不如換衫着鞋下樓跑跑也好，跑多少都總比坐着看電視好，而且我坐在家中就會想找零食。
只跑15分鐘也不打緊
不用跑很多，30分鐘都可以，甚至15分鐘都可以。如果覺得5km太多就3km也不妨。計時或計距離都沒所謂，最重要是肯動起來！其實越容易做到的事，心理關口越小，當做到第一次，自然能做到第二次，能力也會漸漸提升，慢慢地就覺得去跑5km不是甚麼難事。
預備跑步衫褲鞋襪
人（我）好懶，所以令事情越便利地發生就越有機會成事。在睡房當眼位置隨時擺放定一套跑步運動衫、褲、襪，跑步貼身用的腰包和跑鞋放門口位置，預先替運動手錶叉滿電。總之，隨時想跑，隨時就可「變身」下樓跑跑。
一個人跑得更快，一班人跑得更遠。
You run alone, you run fast. You run together, you run far.
養成Keep Fit好習慣的心理前設
我在學習好好跟自己的潛意識對話，我的潛意識比我更了解我自己，而且它有很強大的力量，特別是清晨剛醒來與臨睡前，腦電波正處Alpha波，是和潛意識溝通的最佳時機！
- 我可以做得到！
- 今日都要郁多啲！
- 我好鍾意飲水！
- 我好鍾意跑步！
- 再忙再攰都好，只要我願意，我一定抽到時間去跑步。
- 人哋做到嘅事，我只要學習都一定可以做得到！
- 我今日每餐食到七分飽就夠。
- 我每一日喺每一方面都做得越來越好！
- 聽朝我要早起，一起身我就做7 mins workout！
你自己也可以和自己的潛意識這樣溝通，只說正面的說話和肯定的語句，切忌用否定詞，如「我唔怕攰」、「我唔會食好多」、「我唔會懶」等等，因為等同叫自己「不要去想粉紅色大笨象」一樣，腦袋自然就呈現出粉紅色的大笨象，潛意識不會接收否定詞，請直接了當地用肯定語句跟潛意識溝通吧！
說起來，我跟潛意識說要每日6點醒來起床，現在已維持這個早起習慣67天了，整整兩個月有多！所以，坐言起行，肯做就能踏出成功第一步！我會Fit起來的！
（我希望7月累計里數可以跑到50km啦！）
J. Boroski，呢間中環隱蔽酒吧，我一定會再嚟，Cocktail一流！
支持我Keep Fit搵返消失了的「馬甲線」！如果喜歡這篇文章，請你拍拍手！
雖然喺呢度「拍拍手」唔會令作者增加收入，但一定會令寫文嘅人好開心同更有動力寫落去！
多謝你睇到最後呢句，如果你睇到最尾，希望你「拍拍手」話我知，如果你睇完鍾意，請你拍多幾下手，越拍得多我就知道你越鍾意！