Romsdalseggen
Luftig topptur i storslått natur
Click here for English version.
Fotturen over Romsdalseggen er blant dei finaste eg kjenner til. Det er ein ca. 10,3 km og 5 til 8 timar lang tur, litt krevande, bl. a. på grunn av masse stein.
Har ein tid (1–1,5 t i tillegg) er det absolutt verdt å ta ein ekstra avstikkar i starten av turen, opp på Blånebba, 1320 moh.
Tur/retur dit følgjer toppryggen heile vegen opp og tilbake.
Frå Blånebba er det flott utsikt til bl.a. Romsdalshorn og Trollveggen.
Turen kan for oversikts skyld delast i fire:
1. Oppstiging til Steinfjellet 1168 moh
2. Tur opp på toppen av Blånebba, 1320 moh
3. Vandring over Romsdalseggen
4. Nedstigning til Åndalsnes
Turen er godt merka heile vegen med raude T-ar.
1. Opptur til Steinfjellet, 1168 moh
Oppover i lia, greitt tilrettelagt sti med utsyn til Store Venjetinden 1852 moh og Romsdalshorn lenger vest. Etter ca ein halv time flatar terrenget ut, og vi går ca 15–20 minutt i slak motbakke på platået.
Så er det bratt stigning og relativt lett klyving på stein oppover mot toppen på 1168 moh. Då er det verste av stigning unnagjort!
2. Avstikkar opp på toppen av Blånebba, 1320 moh
Her er det lett å gå bortover på fjellryggen.
Flott utsikt mot vest og sør: Romsdalshorn og Trollveggen, og Raumadalen mellom dei to.
Mykje stein.
3. Vandring over Romsdalseggen
Etter avstikkaren til Blånebba er neste å ta fatt på turen over Romsdalseggen.
Det er bratt ned til begge sider, og utsikten ned mot Raumadalen kan ta pusten frå ein.
Turen over Romsdalseggen er luftig, men ikkje farleg dersom ein viser sunt turvett og ikkje tar sjansar.
Delar av turen går på smale parti på fjellryggane.
Enkelte parti går bratt opp og ned, og det finst jern og kjetting å halda seg i.
4. Nedstiging til Åndalsnes
Mykje stein og viktig å trø trygt her!
Turen gir veldig mange flotte utsyn og fotomotiv, og eg anbefaler turen til alle.
På nedturen kan du gå ut på denne brua og oppleva luft under føtene!
Eg var på tur i 8 timar, og då gjekk eg — på grunn av eit uhell — veldig forsiktig nedover på steinunderlaget. Normalt ville nok turen inkludert Blånebba gått på mellom 6 og 7 timar, inkludert pausar.
Det er etablert eit bra opplegg med buss kl 09:30 frå sentrum av Åndalsnes til startpunktet ved parkeringsplass på Venjedalssetra, og nedkomst midt i sentrum der det er parkeringsplassar for bil. Stien over Romsdalseggen kjem altså ned like ved der eg parkerte for å gå på bussen.
Steintrapper ned siste del av turen.
På ut.no finst god informasjon om turen, bl.a. dette:
Krevende rute med luftige partier. Utsatt og vanskelig i dårlig vær og vind. Denne ruta kalles Romsdalseggen normal og er mer krevende enn Romsdalseggen familie om Høgnosa, og tar 7 timer etter vanlig DNT-standard. Med lett topptursekk går turen fortere. Turen er egnet for litt eldre barn med fjellerfaring.
Det er nokre stader veldig bratt ned på begge sider og litt skummelt enkelte stader, så barn bør nok vera eldre enn 7–8 år.
Fleire tekstar på Medium:
