《Medium 有乜好睇？》(Part 3)
經過幾個月，我又搵多咗一堆作者返嚟做推介。一如以往，呢班作者文章有質素，不過文章更新得無咁密。留意，有冇質素係從我個人角度出發，好主觀嘅。
第一、二集同下面呢堆作者，你follow晒無死。先follow晒佢再欣賞，發覺唔啱心水先unfollow。
───
職業系
https://medium.com/@newlifeinalbay 孫婕/ FM Obligacion （史按）超好睇。一系列講自己職場所見所聞嘅文章有深度、有闊度，有道理又唔心靈雞湯，文筆又好。
https://medium.com/@sendohbun 仙道彬Sendoh Bun|籃球痴漢，無波不歡，鍾意睇波，熱愛寫波，最愛打波。 （史按）喺香港持續寫NBA嘅，只得仙道彬一個。
https://medium.com/@khsportsworld KH Sports |A sports fan from Hong Kong. 來自香港的球迷，喜愛本地足球及NBA 寫足球、又寫籃球嘅人。
https://medium.com/@wandering76 Chofy Lin |太陽在巨蟹，上升在獅子； 外M內S的平面設計師。
https://medium.com/@mrpropertykids Propertykids |地產小子 從面書年代已有追看嘅博客。佢寫咗咁多年新盤，樓市升足咁多年………
https://medium.com/@chaaak 阿擇 （Chaaak） |《粵典》創辦人，從事粵語研究（句法話語介面），亦都致力推廣粵文書寫，閒時亦都會編寫粵語嘅教材同學習工具｜Cantonese lexicographer, teacher and researcher, founder of words.hk and advocate of Written Cantonese （史按：阿擇同我一齊出過本《香港語文：聽陳蕾士嘅秘密》。佢本身粵文研究人員，寫作水平高我一皮）
https://medium.com/@Karengum 茄雲 |廚師一名，由香港轉場澳洲，每日落場更極度浪費光陰中⋯ （史按：開始無耐嘅澳洲女廚師，專寫廚師工作，好似幾有趣咁……)
文化／生活
https://medium.com/@macadan 麥加丹(macadan) |Dan is a Hong Kong IT Geek, Mac is a Hipster. We are Macadan. 阿丹是個香港80後IT怪胎，阿麥是個真文青。我們合體後就是「麥加丹」。
https://medium.com/@raywong_48110 肚臍大叔 |年逾30，賣腦過活，前半生與音樂電影為伍，後半生放下記者理想，擔當標準老襯一名。
（史按）篇賭神世界觀簡直痴線。不過第二篇去咗邊？
https://medium.com/@mirrorflowd 鏡奔流 |小說《無限商場》連載中
https://medium.com/@fannywsc 滿紙方糖言 |為母則慌。鍾意寫，以方糖表慌惶。
https://medium.com/@deliver546 戈登深長、德尼思化創辦人：隨筆評論，港講文藝｜追隨德尼思化雜誌社，上知天文下知地理
https://medium.com/@keeplifeinteresting 樂然 |八十後IT狗，喜歡運動、電影、睇書、打機、寫嘢。
https://medium.com/@dukeofaberdeen 公園仔 |博客時代遺民，早已跟不上社交媒體的演變，網域地址過期沒有續約，經營多年的網誌已關閉，沒能力將自己定位，只想找個地方繼續業餘地寫。
https://medium.com/@mafang 馬世芳 |廣播人，寫作者，長居台灣。FM96.3 Alian電台「耳朵借我」、貓王音樂台「耳邊風」節目主持人。
https://medium.com/@vic27 Airtovic |From HK to London. Back to HK. Eat, drink, read, listen and comprehend the world. // Usually writes in a language that native HK people would understand (史按：屌，咪即係廣東話囉)
飲食系
https://medium.com/@patcnwong Patrick Wong |香港人。多寫文化評論、社會札記，也介紹威士忌，間中寫詩。
https://medium.com/@winefiend08 緣食魔宮 |吃吃喝喝就是魔宮存在的意義，有興趣請follow我。
旅遊系
https://medium.com/@hsinya1123 羅欣亞 LUO, Hsin-Ya （史按）幾篇講法國書店超級有趣
https://medium.com/@sillybearodyssey 傻仔熊 |自拍太害羞，帶著小熊四處走。我寫文章，他拍照片， 二人手牽手遊遍地球。
政治系
https://medium.com/@henryporterbabe 無神論者的巴別塔 睇咗佢寫嘢應該有十年。難得佢（同黃世澤）仲有火鬧人。我唔知佢同世澤啱唔啱咀型，但睇文筆有時會分唔清兩個人。
次文化／動漫
在Medium上居然有不少專寫次文化/動漫的作者，除了上次介紹過嘅，仲有以下幾個
https://medium.com/@veryotaku 阿唯 |宅人一個。經營FB專頁「好宅之人」，自創御宅族研究同人誌《宅人調查報告》系列。現嘗試結合宅文化與理財哲學，開創全新「宅投資」流派。
（史按）又講宅文化、又講股價，幾有趣。
https://medium.com/@ishi014 伊死 |冇得救的聲優迷。 冇得救的香港迷。 總之已經冇得救… 靠爛到不行的日語搵食。前某日漫公司總編，好勇咁炒老闆魷魚。ニード中。
（史按）另一個寫動漫事嘅人。
https://medium.com/@bbuster0314 尼爾手動人類 |我是尼爾，炸雞紅茶NETFLIX成癮者，現在的年輕人副業跟設計創意有關，正職是肥宅
（史按）嗰兩篇講課金，真係道出許多同道中人嘅心（同哭）聲
https://medium.com/@vannzic Vannzic | 散漫而率性的純情破鞋控，偏頗不入流的次文化分享。
──
老實講，我感激啲人多謝我放佢哋呢個推薦表上，但大家可以慳返呢部份。首先，應該我多謝你先－你喺Medium寫咗好文章，令我脫離Facebook呢個毒海。自從我舊年10月加入Medium之後，幾乎唔再玩Facebook，以前每日無端白事玩三四個鐘，而家最多睇晒Medium啲文之後玩三幾分鐘。一樣沉迷、一樣係癮，但回報較有營養。幾十蚊玩足成個月，零廣告，任屌任砌，仲想點？
Facebook太無聊、太Toxic，偏偏好多人脫離唔到。更多人邊屌邊用，正如好多人想世界變得更好但從來冇行動過。如果對現狀不滿（例如：社會不公平、政治迫害）只作情感宣泄而無打算有任何反思同行動，倒不如去打多次飛機－咁做反而仲有多啲快感－結果反正一樣。無人需要知你care某啲社會事情－你只係care而冇action，事情再過多10000000000000年都唔會改變。
第二，我整呢個表，唔算乜嘢特別服務，只係睇到好文、好作者，按archive 儲低佢，然後每兩三個月寫一篇推介文。最後啲人follow唔follow、拍唔拍手，仍非常取決於作者。啲文唔好睇，我點推都冇撚用。
寫一篇推介文，的確使我唔少時間－一篇大概要三四個鐘。無金錢回報，亦有機會成本（而家得返好少時間可以寫嘢），但做人唔能夠淨係一味諗自己。呢個世界太多人諗自己，搞到個網上生態烏煙瘴氣（望下Mark Suckerberg條撚樣）。我寫咗十幾年嘢，辛苦儲到一定所謂話語權，有些少影響力，我希望好好運用－其他人寫嘅好文字，應該有更多人欣賞到。Medium個社區已經夠細，仲鬥嚟鬥去？整大個餅，大家都開心。
你問，我有冇從中虛榮心？你都戇鳩，我係正常人嚟，梗係有！但虛榮並唔係嚟自我覺得自己好有影響力，而係開心好嘅文字有更多人知道。我睇返第一集同第二集推介嘅作者，大部份仲有頻密更新，證明自己眼光幾好。
如果你要多謝，唔該寫多啲文。只有行動，先帶嚟改變。你睇返最頂嗰張圖：太多人想世界完美，卻唔願意付出。
一個人睇嘢同讀嘢嘅能力有限。你無出現喺推介到，未必唔係你嘅文字唔夠好，而係……我睇漏咗。唔使唔開心，唔使失落－我覺得好嘅文字（例如我自己啲文），喺好多人眼中可能係垃圾……無論如何，如果你好中意寫嘢，想加返自己喺上面個表度，或者我漏咗邊個你好中意睇嘅作者，記住留言（或者喺Facebook pm我）等我加返。大前題係：
作者對寫嘢有持續嘅熱誠。
（利益申報：我不會透過以上推介得到任何利益。）
今年史兄所得稿費，將全數用作支援魚蛋革命嘅義士。 https://medium.com/@relgitsjg
Facebook page：https://www.facebook.com/Relgitsjg IG (主要用嚟睇女仔) : https://www.instagram.com/iamuncleshit/