Payme扣起黃絲店十萬封殺黃色經濟圈？！

友人傳來區諾軒被Payme扣起左十萬，然後廣傳匯豐協助港府打擊黃色經濟圈。我心諗，唔係咁癲呀，國際金融中心的招牌真係唔要？

Payme的限額

筆者即時諗起會唔會爆左quote，即刻check下自己的payme睇睇，發覺payme個人用戶每季限額係HKD 100,000，而每月同每日都有唔同的limit，到底匯豐係咪幫政權封殺黃色經濟圈，真係有待當事人進一步證實。

所有金融產品轉賬付款都有limit

唔知大家有無類似的經驗，一張平時低額低用量的信用卡，突然係一日內大額消費兩三次，card center就會一個鐘頭內打俾你，問卡主係咪真係消費左？有無遺失信用卡。當然信用卡係消費產品，只要你唔爆信用額，card center唔會阻你，但你過左佢嗰條線，佢就會通知你。

其他電子錢包就唔同啦，銀行同金管局都會為系統設置轉賬限額，除左payme每季HKD100,000外，轉數快(FPS)每日限額HKD10,000，八達通自動增值就最多每日一次，呢尐設置就係為左保障用戶，萬一賬戶被盜用損失亦有限。

十萬過數真係唔夠又點算？

Payme同匯豐始終打開門做生意，payme作為電子錢包吸引用戶使用當然免費，但假如你作為商戶，一定會收返少少手續費，仲要係匯豐商業戶口。不過點計都好，用payme點都好過用支付宝。