「Medium付費會員回贈計劃」
喺Medium寫嘢已經幾個月，漸漸重拾以前寫嘢嘅熱誠。雖然睇嘅人同喺facebook嘅reach比喺facebook出文少，但係有動力寫新文章，同埋整理以前嘅舊文再登。
為咗鼓勵大家做Medium付費會員活動（留意係付費會員），而家推出一個「Medium付費會員回贈計劃」：你只要成為Medium付費會員，我會畀返$30你，相當於月費（$38）約80%。
呢個回贈計劃有幾個目的：
－鼓勵大家做Medium付費會員 －鼓勵寫作嘅人多寫文章，特別係付費文章
廢話少講，回贈詳情如下。
───
【條件及詳情】 －會員本人填表 －必須成為Medium付費會員最少一個月 －現時付費會員及新增付費會員皆可，名額各35個（共70個）；先到先得 －暫時只限接有香港戶口嘅人／香港會員
【回贈方案】 回贈$30去你戶口
留意，只係畀一次！記住並唔係個個月畀$30你。
【領取方法】 －必須為Medium付費會員一個月（由填寫google表格時計起，付費會員嘅詳情見https://medium.com/membership） －填好張表 －只限擁有中銀香港、香港匯豐、恒生，及paypal 戶口
＊＊＊張表喺度＊＊＊
https://goo.gl/6uvwW4
＊＊＊張表喺度＊＊＊
【留意何謂付費會員】
留意，你喺Medium登記免費戶口之後，只係普通會員。必須去呢度再按幾個掣成為付費會員
如果你成為付費會員，喺你profile個名下面，會有一句:
“Medium member since xxx 201x”
你見到呢句，代表你喺付費會員（如下圖），想拎回饋可以填表。
───
小恩小惠，小小心意，純回饋付費會員。三幾十蚊，切勿詐騙、欺騙，或以此計劃作欺騙用途。
大概喺二月中會過數，請耐心等候。
請勿問我如何成為付費會員、無信用咭點算、究竟值唔值、Medium好唔好睇、恒指會去到幾多點、買唔買騰訊好，我唔識答。
＊＊＊張表喺度＊＊＊
https://goo.gl/6uvwW4
＊＊＊張表喺度＊＊＊
───
最重要嘅資料，上面齊晒。以下Q&A，畀大家參考下：
問：點解你要咁做？ 答：因為屎忽痕。我相信只有屎忽太痕嘅人（即係我自己）先會搞啲咁嘅嘢。
其實拎錢回饋嘅錢（約二千蚊），係來自我喺Medium寫付費文章。我覺得Medium鼓勵文字創作，值得支持。既然錢來自Medium嗰邊，咪使返喺嗰度。
相信好多人冇做付費會員，唔係唔想支持文字創作嘅人，只不過係未知Medium有乜嘢好睇、或者唔知值唔值得。唔緊要，而家有津貼，$8玩足一個月－一程地鐵咁嘅錢。門檻低咗，希望舊嘅人繼續做會員，有興趣嘅人嘗試下－一個月後希望你覺得有意思，留落嚟繼續做會員。
問：真係得一個條件？ 答：係，絕對係。你只需要成為Medium會員最少一個月，填張表，細心等候，我就會畀返錢你。就係咁多。
問：咁解你肯大拿拿拎舊錢出嚟，做啲無金錢回報嘅嘢？ 答：無金錢回報，但有非實質回報。我寫咗文，都想有人睇。多咗人做付費會員，個餅大咗，寫付費文章嘅作者（不一定係我）所分到都會大咗。我接受蘋果日報訪問講過：
「如果有0.1%機率可以令香港文字創作嘅人有合理嘅回報，而唔係靠一毫字都唔值嘅like and share，我都會去試，第一個去試」
「好嘅創作，文字、圖案、短片，唔可能，亦唔應該免費」
https://hk.news.appledaily.com/local/realtime/article/20171211/575654 22
問：參加計劃/收到回贈後，需要clap任何史兄嘅文嗎？ 答：絕對唔需要。如果我要你clap嚟收返錢，我一開波就唔使搞呢個回贈，嗰兩三千蚊自己袋返就得。重申，你唔需要因為呢個活動、收到回贈就特別clap多啲我嘅文，完全無咁嘅必要。
我反而想你share呢篇文，等多啲人加入Medium、參加呢個計劃。
問：Medium有乜嘢好作者好睇？ 答：呢個貼嘅作者……我整咗個表，列齊咗我睇開嘅作者：
問：我今日唔想join Medium住，第日仲會唔會搞？ 答：會。我估大概每半年搞一次類似嘅活動，回贈嘅未必有現金，可能係史兄寫嗰啲小說嘅賣剩蔗……你估「滯銷作家」呢個名流嘅咩……
───
申報：此活動並非Medium 官方活動。此並非任何廣告，本人亦不會透過此活動從任何團體（包括Medium）得到任何形式嘅金錢回報。
───
記住登記 Medium，follow史兄： https://medium.com/@relgitsjg
Facebook page（facebook垃撚圾）：https://www.facebook.com/Relgitsjg/
IG (主要用嚟睇女仔) : https://www.instagram.com/iamuncleshit/