Irving被猶太人組織打壓 多一個原因拒絕Nike

今日我地的主角係NBA球星Kyle Irving，先講咗結果先，Irving因為個人的行為，被網隊及NBA停賽至少五場，而贊助商Nike亦終止同Irving的合作。其實我雖然唔鐘意Irwing的球風，但佢對社會的行為，我係尊重而且欣賞的。舊年因為紐約州的防疫措施，要求所以有人要打咗COVID 疫苗先可以進入球場，而Irving本人卻堅持拒絕打疫苗，所以就同所屬的網隊達成協議，停薪直至防疫措施改變。當時好多香港的球迷為之嘩然，話作為球星唔落場打波，有違職業道德之類。但大家應該諗深一層，我地要求Irving打疫苖落場，同藍絲要求返工，又有乜分別呢？所以大家都應該尊重Irving的決定。係紐約州改變防疫政策之前容許Irving缺席比賽，而事實上Irving亦非常尊業咁參與每次的球隊訓練。 咁今次Irving又發生咩事呢？話說上星期係自己個人Twitter度share咗一套叫Hebrews to Negroes: Wake Up Black America的電影，呢部電影被質疑為反猶太人的電影，所以被猶太人組織瘋狂譴責，雖然Irving已經刪Twit道歉，並答應捐款一百萬美金去猶太人組織Anti-Defamation League (ADL)，但事件並未得到解決，猶太人組織依然狂追猛打，施壓NBA、Nike同網隊，最終令Irving要停賽。問題係呢套Hebrews to Negroes: Wake Up Black America並唔係乜野禁播電影，甚至連限制級電影都唔係，大家依然隨時可以係租片平台租看。NBA同猶太人組織並無要求對該影片禁播或者下架，卻要轉發影片的Irving禁賽、道歉、清楚表態，呢件事對Irving黎講係極不公義的。 雖然大家身處香港，無法對猶太人組織作出譴責，而且畢竟轉播費已俾要求ViuTV取消直播NBA賽事亦似不切實際，但大家依然可以身體力行繼續拒絕Nike，畢竟Nike本身繼續係新彊開血汗工廠，本身就已經係莫視人權的行為，今次Irving的事件大家又多一個理由拒絕Nike。 所以今日開始多尐同朋友講：Nike ？ 不了。