新一年繼續留喺Medium

新年、引き続きMediumによろしくおねがいします。

（以下，圖文無關。純粹自己snap得幾靚自High啫）

點解要走？

Medium出現「逃亡潮」，最大原因係作者收稿費制度，由拍手制，改為每月平均閱讀時間制，令作者收入直接減少。

決定去留嘅關鍵係：

「有稿費係咪我唯一嘅考慮？」

答案：唔係。

如果為每個月拍爛手都食唔倒一餐飯嘅稿費，我一早就唔寫文。接一份FREELANCE JOB翻譯都好過我寫一個月文（雖然我好懶寫文）。

點解唔走？

好玩，啱玩咪唔走囉。

用個例子，最近好多人跳船去咗MATTERS，我又手痕開個ACC玩吓，但係個體驗真係好糟糕，甚至唔明搞咩咁多人會去個功能性咁低嘅平台。

MATTERS功能有幾差？ 1. 作為一個貼文分享平台，竟然係用IFPS，即係冇得編輯文章已經係死罪。 大佬呀，我哋十幾年前開BLOG啲編輯功能已經勁過佢啦？已經唔係同其他同類平台相比。 咁Medium喺編輯同版面編排上係合格有餘，我都幾鍾意Publication嘅Feature pages，真係一個網上個人雜誌嘅概念。

2. 對作者嚟講，竟然一個零追蹤點擊來源功能嘅平台，都有咁多人用，亦都係一個謎。 各位作者唔需要睇點擊數據？唔想知啲讀者透過咩途徑嚟睇你嘅作品？ Medium喺呢方面嘅功能都係有限，但好過冇。鍾意玩多啲DATA嘅話，仲有Plug-in做埋統計㖭。

咁Medium仲有咩好？

1. 作者質素高、啱Channel、粵文作者多。 淨係呢個原因都夠。 各位作者，最近少咗拍手唔好意思，拍番多啲。雖然拍手冇直接收益，但係見倒有拍手好鼓舞，我相信呢個都係原本用拍手嘅最開心之處。
2. 上面提到，Publication呢個功能我真係幾鍾意。 有啲似我玩BLOG嘅分類，雖然一個Publication上限7個Topic，但係可以無限開Publication，而且版面設計都算容易，方便啲唔係好識搞CSS嘅人去編輯自己嘅網上雜誌。
3. 方便我TAG關鍵字追文。 唔知幾多人用緊呢個功能，不過我搵嘢睇係方便嘅。Medium嘅中文作者當然冇英文咁多，不過文章量多，搵嘢睇係有難度，擅用TAG去搵嘢睇的確係好主意。（係嘅，我知MATTERS都有好呢個功能）
4. 冇五毛／小粉紅兵團。 呢點好很重要。 去MATTERS行一轉，明明啲文章寫得好、言之有物，下面就一班冇營養嘅留言，仲要以為自己好有POINT嗰種。 多謝Medium嘅Followers都係有思考嘅人。

無啦啦改制度係咪好濕鳩？

梗係。 但我覺得更濕鳩嘅，係原本冇付費嘅作者都有得收稿費呢個系統。

不過，既然留得喺呢度，都代表我係接受咗Medium嘅濕鳩嘢。

當你覺得優點大於濕鳩嘢，就會繼續留喺度。

當有一日，濕鳩過香港政府嘅時候，咪諗吓去邊囉。

反正都留咗喺香港幾十年，唔爭在啦。

My Medium Record：(Update中) https://readmedium.com/my-medium-record-e1f290f9c470 每月月頭會將部份上月免費文章轉做會員限定文章。

順手睇埋吖～

個人BLOGss~ ☆伊死的漫畫特區 （講漫畫、讚漫畫） ★嚟Plurk吹水