Google與匪同行，共犯也！

昨早食早餐，對面睇白粉報，到財經標題，個市會轉軚，指數會回升上28,500，並有多間大行齊唱好，包括高盛……及後再看到大摩預測恒指目標，在G20會前，本地主流媒體谷行晒，由於個市太靜，塘水滾塘魚，無腥氣。難得臨近佳節，老散更無心戀戰，奏響升市之笛，望有水魚流入，才可做完場大龍鳳。當然土匪妄想推遲或壓後加碼徵稅和加注餘下的2670億。現在Trump更揚言10%濕濕碎，晒佢冷，大你25%。其實，Trump的整套戰術頗遷就土匪的智力作，來來往往，任媒體扭曲或亂吹風，因為大家都知道答案嘛！

另一邊廂，亦揭大盜是党員名正言順，郁大盜，滾出美國，順手之便利。一切都靜待下周開盅吧！奇就奇在，第三隻又來啦，老實說好軟弱喎，唔知是否故意，讓Trump有更多借口，咬牙根拳拳咁砌，KO個隻款！睇來唔似求和或下跪，相反撩慶敵方似D?!Trump和其及團隊的代表都依法辦事啫，沒有需要講多餘的話，盤口亦講清楚了，等睇玩嬲嬲豬。

美帝攻勢一浪接一浪，排山倒海。揀兩件講，(1)Trump與班金融凶獸有牙齒印是眾所周知，白宮亦出了手及口，料班凶獸不會屈服，後續發展相對殘酷的結局；連跨國巨企如通用亦力抗Trump／白宮的口號Make America Great Again，似有心同Trump作對，視國民福祉如無物，搵＄最實際。借口啫，背後大家都知乜事啦！Google更恐怖，為達到目的與土匪同行，共犯也！不過一般人可以點呢?!Google的員工都竭盡所能，反對和持續踢爆公司的真面目，相信不久的未來，會有更不可思義的事情發生，預咗，咪扮唔知！

GM關5個廠，轉方針都不肯回美國，反映巨企已經失控，放棄美國和國民了。唯利是圖是它們的逃生門，這場保衛戰是直接關乎美國未來5年至10年的能否以再平衡的方向再出發，一旦失敗，世界就陷入瘋癲狀態，人類文明亦終結了。關土匪乜事呢？亂局對土匪有利的迷思，是它們的思維中最狂妄的時刻，愈亂則愈瘋！族長問大家揀邊面企呢？關稅戰的結局是土匪有幾狂妄來篇寫的。

今日「口交部」亦口交化的G20結果會好悲慘！個會的結果同悲慘無關喎，若悲慘咁咪唔開就得，莫強求！其實，唔知道它們是講自己好悲慘，鬼國民及世人呢?!不如全宇宙吖，Dumbass！族長早亦醒了條橋給首領，用唔用適隨尊便，再樣衰多鑊，個位坐唔穩嘛！

回說市況，族長發神經，入市沽FHSI，博佢大冧檔，心口有個勇字，風險很大的，大家自行管理呢！不只心理上，更恐懼是唔知土匪癲的程度有幾深，直達地獄就無turning back囉！一早就知FB的監控無處不在，一話沽，個市就即比反應，咁邪！壯膽就真，托得幾高有幾高，未到3:00pm指數已升上26,727，料26,830~26,880區域……〈待續〉