Fake news 魔法陣玩唔玩得過？

自己人做fake news 要唔要隻眼開隻眼閉，甚至幫手傳播，引起討論。

呢個驟眼睇就係要贏定係要道德嘅問題。

【道德討論】 道德上，又係嗰個argument：人哋唔守規則咁你守唔守規則呢？人哋有埋倚天劍你就綁起雙手係可可以接受自家都有少少陰招呢？ 梁天琦話目的高於手段，只要完成到大理想，中間的只係手段。但對好多人來講，有啲嘢唔做就係唔做。好似你話投對家，真係做唔到，最多射落海。叫和理優去衝擊、打人，做唔到，最多就唔割蓆。

【勝利討論】 但你鍾唔鍾意都好，反對派從來感召都要靠啲道德高地。所以道德高地本身是end，但都係手段之一。

我當道德唔緊要，最緊要係贏。究竟道德高地贏多啲，定係全面玩 fake news 贏多啲？

【團結討論】 咁我當道德高地呢個手段係唔夠打，所以要考慮做fake news。

反對派玩 fake news 係咪真係會贏到？資訊咁發達，好多人會 factcheck，呢個就係反對派是否團結嘅問題了。有人叫大家有利自己嘅嘢唔好 factcheck，係咪真係做到。

【方法討論】

咁我當反對派解決了團結問題，但點樣做fake news 先會贏？trump 玩 Cambridge analytics 係玩贏咗，但呢啲咁新嘅嘢，無人知應該點玩先玩得贏喎。咁又係咪可以相信一個集體做嘅嘢係可以同一個 centralized 、specialized 嘅政權匹敵？雖然有 track record 係做到，係咪今次又可靠群體自己摸出嚟？

而家，大家暫時仍然認為【道德討論】同【勝利討論】有價值，暫時唔會有共識，我亦傾向唔好做 fake news. 但當社交媒體去到3.0 4.0，所有人都唔信所有 news，又係另一玩法。

（金水嗰啲就另一種啦）

下面段嘢post出嚟 畀大家討論唔代表我同意。

***

[關於炒車] 請各位FC前諗一諗，對自己 有利的先好FC！ 有利的先好FC！ 有利的先好FC！

唔好浪費精力去幫敵人澄清

如果發現炒車，請記住藍絲永不分割的精神：夠強壯的可繼續指鹿為馬，唔夠的唔使出聲由佢fade out

畢竟對家從未/ 有智慧去FC，拉攏中間派好重要。或者有人唔同意，覺得咁樣同藍絲冇分別，no no，我地係好唔同，因為目標唔一樣，超人同怪獸一樣用拳頭打對方，但超人係保護地球，唔同怪獸侵略地球

希望各位面對炒車，唔需要急急幫黑警護航，咪你就真係成為撐黑警的藍絲