Crypto Mining စမ်းကြည့်မိသလောက်
ဒီနှစ်အစောပိုင်းမှာ Crypto ကိုစပီးတော့ စိတ်ဝင်စားလာတယ်။ YouTube မှာ crypto ဘယ်လိုအလုပ်လုပ်လဲ။ Crypto trading ဆိုတာဘာလဲအကုန်လျောက်ကြည့်ဖြစ်တယ်။ အဲ့ဒီ့ထဲကမှ mine လုပ်တာကိုစိတ်ဝင်စားတယ်။ အိမ်မှာက laptop ၂ လုံးလောက်အပိုရှိနေတာနဲ့ အဲ့ကောင်တွေနဲ့စမ်းဖြစ်တယ်။
အလွယ်ကူဆုံးကတော့ https://unmineable.com ။ အဲ့ကောင်ကို စစမ်းတယ်။ အားတက်သရော setup တွေဘာတွေသေချာလုပ်ပီးတော့ ဟုတ်ပီပေါ့။ တကယ့်တကယ်လည်း run လိုက်ရော တလလုံး run ထားမှ $2 လောက်ရမယ်တဲ့။ ဘယ်လိုမှအဆင်မပြေ။ ကိုယ့် laptop က spec ကအတော်နိမ့်နေတာကိုး။ Graphic Card ကောင်းကောင်းနှင့် mine ရင်တော့အဆင်ပြေနိုင်တယ်။ ဒါတောင်တနှစ်လောက်နေမှအရင်းရမှာ။ စျေးအတက်အကျနှင့် သိမ်းထားပီးမှရောင်းရင်တော့ပိုရပီး ပိုပီးမြန်မြန်စက်ဖိုးကျေနိုင်တယ်။ ကိုယ်ပိုင်တော့ဝယ်ပီးမစမ်းဖြစ်ဘူး။ YouTube မှာ အခြားသူတွေ explore လုပ်တာတွေလိုက်ကြည့်ဖြစ်တယ်။ ဟာဟုတ်လှချည်လားပေါ့။ ကိုယ်ပိုင် mine ဖို့တော့မကြိုးစားဖြစ်တော့။
Crypto Mining အကြောင်းကိုစိတ်ဝင်စားတာကို FB ကသိတယ်ထင်တယ်။ Myanmar Crypto Group တွေကို recommand ပေးတာနှင့် Join ဖြစ်တယ်။ Group တော်တော်များများမှာ refferal ရှာတဲ့သူတွေများတယ်။ Cryptotab browser ဆိုတာလည်းအတော်လေးတွေ့ရတယ်။ unmineable ကိုသေချာစမ်းကြည့်ပီးတော့တလလုံးမှ $2 လောက်ရမှာသေချာသိထားတော့ သူတို့ပြောတဲ့ Cryptotab ဆိုတာကိုရယ်မိတယ်။
Doge နည်းနည်းတခေတ်ထတော့ အဲ့ Groups တွေထဲကဘဲ Telegram bot ကနေ Doge ပေးတယ်ဆိုပီးတခါ refferal တွေတအားတက်လာပြန်ကော။ ကျနော်လည်းမနေနိုင်တာနဲ့ သွားစမ်းကြည့်လိုက်တယ်။ တကယ်ပေးတယ် မြန်မာငွေ ၁၀ ပြားလောက်ဘဲတန်တဲ့ Doge ပေးတာ။ အဲ့အချိန်တုန်းက Doge က 0.04 လောက်ရှိတယ်ထင်တယ်။ အခုက 0.02 ဆိုတော့ GG ဘဲ။ အချိန်ပေးရတာနှင့်လုံးဝအဓိပ္ပါယ်ကိုမရှိတာ။ ဒါပေမယ့်လိုက်လုပ်တဲ့သူတွေအများကြီးဘဲ။
အဲ့လိုဂျင်းတွေမြင်ပီးတော့ တကယ်အဲ့လိုပေးတာတွေရှိလားဆိုပီးတော့လိုက်ကြည့်ဖြစ်တယ်။ Brave browser က BAT ပေးတာတွေ့တယ်။ သူက AD ကြည့်ရင် BAT reward ပြန်ပေးတယ်ပေါ့။ သူ့ ADS က Push notification ကနေလာတာ။ အရင်ကအဲ့ကောင်ကိုပါပိတ်ပီးတော့ Reward ကိုလည်းမယူဘူးဆိုပီးပိတ်ထားလေးပြန်ဖွင့်ပီးစမ်းကြည့်ဖြစ်တယ်။ တလကို US $2 လောက်ရတယ်။ Laptop နဲ့ mine သလောက်ရတယ်။ မဆိုးဘူးဟဆိုပီးအဲ့ကောင်လေး Enable လုပ်ထားလိုက်တယ်။
ဟိုစမ်းဒီစမ်း ဟိုရှာဖတ်ဒီရှာဖတ်နှင့် အချိန်တော့အတော်ကုန်တယ်။ သေချာစဥ်းစားလိုက်တော့ အဲ့ဒီ့ exploration တွေကို တခုခုလေ့လာဖို့အချိန်ပေးလိုက်ရင်တောင် ကိုယ့်အတွက် value တခုဖြစ်သွားနိုင်တယ်ဆိုပီးတော့တွေးမိတယ်။ ဒါပေမယ့် Crypto ကိုလိုက်ကြည့်ရင်းမှ အရင်ကကိုယ်မသိလိုက်တာတွေလည်း သိလာရတာတွေလည်းရှိတယ်။ Crypto ကြည့်တော့ Investment တို့ Finance တို့အကြောင်းတွေကို YouTube က recommand ပေးလာတွေလိုက်ကြည့်ဖြစ်တယ်။ Investment တို့ Finance တို့ကို တကယ့်ကိုဘာမှမသိသေးတာကနေ နည်းနည်း သိလာတယ်လို့ခံစားရတယ်။ အရှုံးထဲကအမြတ်လို့ဆိုရမှာဘဲ။