以為插手書業嘅中共官方身影淨係得聯合系？唔好令中聯辦孤單

中聯辦同中宣部在港書業勢力一覽

中聯辦同特區政府宣稱《基本法》第22條第2款唔適用於中聯辦，我仲以為中聯辦要獨立，中央各部門要獨立於中央人民政府（國務院）添。

不過黨係最英明嘅。中聯辦甚或國務院港澳辦都唔係「國務院組成部門」嚟㗎。中聯辦係國務院派出機構，派出駐港，射咗出去𠺢嘛。上級嘅港澳辦就算有國務院牌頭，都只不過係辦事機構，「只係」協助國務院總理辦理專門事項，唔似得啲部門噉，具備「獨立嘅行政管理職能」。噉睇落佢哋都唔係好獨立啫。（原來政制事務局1999年文件就已經列明派出機構呢點，早知唔特登睇維基啦。）

當然，仲可以學似陳弘毅話齋，前身新華社早過主權移交成立，九七之後仲喺度，99年國務院改佢個名做中聯辦，都唔使理你特區政府啦 。陳弘毅有誠意過湯家驊好多。

咁鬼煩，玩「一個機構兩塊牌子」可能仲開心啲添。中聯辦咪中共中央香港工作委員會，屬於中共中央派出機關囉；港澳辦咪中央港澳工作協調小組辦公室，屬於中共中央議事協調機構囉。黨中央又點同中央呢？黨政分開㗎照計。

佢哋用咩名目，其實就好似豺狼用咩面目噉。第二管治隊伍、西環治港、「強力部門」性質始終冇變，「非部門」去「監察」，一樣都係干預。無賴要玩嘢大把手段，總之偉光正嘅中國共產黨永遠都唔會錯，立於不敗之地。奴才會執屎，叫佢改就改，舐就舐。

基本法本身亦都唔係咩神兵利器、尚方寶劍。佢嘅緣起係中英聯合聲明，嗰時冇第三張凳畀香港人，一開始就冇民意授權。起草係有香港人，只係大多數都係中共嘅人。八九民運爆發，連保守雙查方案都抽起埋，起草人之一查良鏞同李柱銘、司徒華一樣都冇再做。中國人大常委解釋，條文點寫又2得真正話事，都不在話下嘞。就算淨係「技術」層面，見第10條「洋紫荊」局住寫做「紫荊花」，都知佢唔係路啦。

所以莫講話佢「賦予」到啲咩權利自由我哋──同埋呢啲本身應該係屬於民眾嘅，唔係由啲乜嘢人、乜嘢嘢去賦予──就連保障、確立都做唔到，噉嘅社會契約可謂盲婚啞嫁。既然之前話得中英聯合聲明係歷史文件，噉基本法點解唔係？30年咯，咪送份大禮囉，連李柱銘前委員都唔放過，小小心意啫，唔成敬意。

見佢呢期咁紅，又眼紅佢合法逃稅咁有米，我都準備咗小小心意，重新整理中共在港書業勢力範圍嘅資料，再將我啲「爪牙」伸去三中商聯合系之外，補補漏。海外都有㗎，冇列埋咋。

日後都會繼續努力，Google下，抄下報，整理下「中方越境執法（執行政治任務）史」之類噉啦──唔會走數嘅話。

係啊，而家先入正題。請便。

中聯辦聯合系在港業務架構

出版

1. 三聯 天健出版社 智能教育出版社 時空出版社 利文出版社 2. 中華 開明書店 中原社 非凡出版 中華教育 3. 商務 香港教育圖書有限公司 香港太平書局 千尋出版社 Athens Education Achiever Press 商務大學堂-階梯閱讀空間 4. 萬里機構 得利書店 萬里書店 明華出版公司 明天出版社 飲食天地出版社 Forms Kitchen 萬里媒體有限公司 飲食業務促進公司 圓方出版社 知出版社 普賢出版社 To Be Charm 識出版 5. 新雅 山邊出版社 6. 中和 7. 聯合電子 8. 百利唱片

發行

香港聯合書刊物流有限公司 利源書報社 新民主出版社

零售品牌

聯合新零售（三中商） Bloomsbury Books Ltd Passage Bookaccino 動漫世界 慢讀時光 集古齋 TOMICA探知館 Cool Point Piccadilly 聯合電子-超閱網

印刷

中華商務聯合印刷（香港）有限公司 - 全資附屬公司 中華商務彩色印刷有限公司 中華商務安全印務有限公司 中華商務物流服務有限公司 Spring Innovative Workshop Co., Ltd. - 合資公司 聯合出版文化投資有限公司 - 官方冇列明 爾雅文化創意發展有限公司

書畫藝術品

博雅藝術公司

投資

僑商置業 信聲發展 勝裕發展 天地圖書（持49%股份）* 天馬文化 中商置業

高等敎育培訓

香港管理學院

多媒體平台

雲通科技有限公司 橙新聞 myCOOKey CRECRA SportiHealth YOUSO 發緊夢 搵錢呢D嘢

官網冇明列

匯智新技術有限公司（唔係匯智出版）

* 請自行平衡資本背景同業務操守而判斷

中聯辦聯合系之外：中宣部！

中宣部：加掛國務院新聞辦公室、國家新聞出版署（國家版權局）、國家電影局牌子。

I. 中國外文局/中國國際出版集團(CIPG) http://www.cipg.org.cn/node_1006429.htm [1] 在港分支：和平圖書有限公司（唔係漫畫家 牛佬 嘅 和平出版有限公司） [2] 同聯合合資嘅海外業務： - 長河出版社（美國）Long River Press - 中國書刊社（官方冇列明） 呢兩間同 常青圖書有限公司 都係屬於CIPG嘅華媒國際集團公司（舊金山）

II. 新華 香港新華書城由香港聰明影音地帶控股（霍英東四子霍震宇任主席）及廣東新華發行集團合資創辦，經營出版及訂書服務。

後註：同日下晝，香港眾志公佈中聯辦在港物業資料：

再後補：