8 個新手英國買樓投資分析技巧 (3)｜第三堂： 選對房地產投資策略
英國買樓不是夢。想賣樓嘅英國業主其實多到一地都係，機會多的是，自己睇吓就知: www.rightmove.co.uk
但如果投資毫無策略，對市場供求毫不認識，又懶得做全面 Due Diligence，根本就與賭博無異。
大體而言，投資樓只能以兩個策略賺取回報，一為賣出時賺取升幅差價，二為每月租金收入。
如果你腦袋裡有個水晶球，會知道來年樓價升幅，且能夠精準選中比大市爆升多 2 — 3 倍嘅區域，咁不妨專心以物業升值 (Capital Growth)為策。每年數%租金回報很可能不是你考慮因素，不過即使你有水晶球，但物業一日不賣，一日都無法享受升值所帶來嘅任何利潤。
然而，發個好夢前，不妨先讀讀英國樓市數據：
如果你覺得自己同我一樣係個普通人，沒有特異功能預測未來，亦無法反地心吸力地改變英國慢升嘅樓市，就可以踏實一點，考慮專心以租金回報為投資策略。租金及租務需求並唔需要用到水晶球，因為我地只需要去證實今天嘅同類物業租金及需求即可。而我早前分享過，英國市場非常透明，只要你肯做 Due Diligence，並無太多搵唔到嘅資料。
https://www.zoopla.co.uk/to-rent
https://www.rightmove.co.uk/property-to-rent.html
租金回報講求嘅係投資額所帶來嘅回報率 (Return on Investment, ROI) 及現金流 (Cashflow)，兩者缺一不可。Cashflowing property 會如血液一樣，短期且定時為你生活帶來養份，絕不會因為供樓而要你節衣縮食。你可以比喻為養左一個好兒子，短期內已識得每月俾家用你。相反，你養了個壞兒子，就每月都問你收零用錢。壞兒子一個都嫌多，投資是為享有更好生活，而非為補貼住客及銀行。
另外要非常小心不要買錯沒有人能承接的房屋。最好的測試捷徑就是找當地銀行做按揭。銀行不會接收沒市場價值的抵押品，所以他們肯借多少，會完全反映自己有沒有買錯屋。不同策略下，房子就有不同買家及租客，務必認清。
借用一位物業投資者說話，精闢地概述上文：
「你相信明天會更好？我驚今天都過唔到！ 」
