560萬買完得200呎都無 豪宅價錢住劏房 香港人百忍成金

壹周有個報道，講去探訪兩個市區新盤，其中一個560萬得200呎。

入去睇到條片，完全唔明500幾萬點解重迫過住劏房，起碼我張床唔駛擺上層，大部分傢俬唔駛摺疊，廚房大過佢。首先佢哋就2個人，講真200呎一個人都刎，放唔到幾多嘢，兩個人就更窄駛。其次，望下張則……

嘩，200呎包露台再包工作平台，唔怪得空間所剩無幾，唔計佢廁所廚房同走廊，只計個廳用得嘅位唔夠8平方米即唔夠100呎，唔怪得迫成咁。

人哋劏房同啲細私樓咁情況，廁所係會整個啲舊式公屋浴廁合一偷盡位。

勁在佢重諗住招呼人上嚟坐，同整張梳化瞓。其實住得劏房，就算係豪華個隻，就要改改思維：一間房係唔一定有梳化同電視，亦都唔駛招呼人。

而家都無人睇電視，要睇開電腦睇，梳化就呀掟，無咗呢兩個item 會好好多。但2個人住100呎間房真係太細，560萬真係……重要用咗30幾萬裝修。如果呢啲係中產生活，真係住公屋好過，真係唔好怪人向下流。

然後好多網友都 comment 話，呢啲樓係一手先有人買，二手俾得起咁多首期就唔揀呢度。我估都係諗住上咗車繼續升可以換樓嘅想法，同埋要住市區。但萬一無繼續升，咁好多網友都祝佢兩公婆好運。都有人話其實租出去無問題，係唔應該自己住。呢個大細係一個人住都嫌細。

另一個網友評論點係，個訪問入面，嗰啲人係無覺得呢件事有問題，重講到好好咁。「張梳化坐起度睇電視好梳乎」個屋主自己講。其實覺得有問題就唔會買，買得就唔覺得有問題，好合理。佢可能覺得自己做緊廣告雜誌呢又。大家覺得無可能，遊戲繼續，直到末日。

跟住就會有一大堆好友話：「你班廢青嫌三嫌四，遲啲啲樓繼續升，佢哋就樓換樓，你哋就繼續無殼蝸牛。」跟住訪問中兩公婆繼續大叫樓市gogogo!

入面有另一個case係有養狗，好似某些人話齋「人窮就唔好生仔」。如果狗係仔嘅 replacement，咁大家都好同情隻狗。

呢啲人會唔會因為住得細所以想增加土地供應呢？但增加咗層樓會跌喎。結果買來自住住成咁嘅人好可能係反對增加土地供應。