20190819・818 No Gain No Lose・819無警之城

818之後改變咗啲咩？咩都冇改變喎。咪又係輸。

雖然集會照去路照行，繼續彈出彈入維園，大家風雨中抱緊自由，埋單170萬+6人，但係818集會之後，咪又係咩都冇改變。我冇贏你又冇輸。

香港真係要幾荒謬有幾荒謬。

★五大訴求。零回應。

★警察還眼。零回應。

★元朗黑夜、荃灣黑夜、北角黑夜。零回應。

★連儂義士捱打十幾拳。拳手獲撤銷指控。

★黑警COSPLAY斷正。當冇事。

★觀星筆錄入十大武器名冊。

★各團體籌款。又嚟搶錢事件。

★泛民。又階段性勝利。

（☆用吓啲星星符號，件事好似冇咁SAD）

唯一有進展嘅，可能係連登仔有人找數裸跑。

完。 網上觀鳥團都５萬人呀嗱。（包括我）

2019年8月19日，香港又再成為無警之城。

第二朝掹大眼起身，香港819，沒有最荒謬，還有更荒謬。

☆62歳伯伯醫院中遭黑警性暴力對待、被恐嚇對家人不利。

☆連儂牆傷人案，警察停手，街坊搵埋證據，都唔拉人。到條友玩着草，先至高調喺羅湖關口捉人。

香港仲要警察做咩？

818證明：只要冇警察，遊行冇暴力，周圍好和平。

819進一步證明：邊度有警察，邊度有暴力，慘過爛仔。

818當日，又一次出現交通燈截電，又係由示威者現場指揮交通。 交通警呢？

以後係咪個個都要喺屋企裝CCTV，去證明自己受害、去證明自己清白？

捉示威者又認問人攞CCTV紀錄，自己做嘢打人嗰陣又唔昅吓個場先。 做衰嘢都蠢過人咁點搞呀？

你有槍有警棍，坐埋上架EU都話驚而唔敢巡邏，係咪即係而家已經冇警察巡邏？市民零裝備出街又點算？

民間係咪要成立自警團？係咪個個要學功夫？

我係咪自生活喺香港？

香港係咪仲行緊普通法？

４點記招可唔可以叫番許SIR出嚟？

香港仲有冇好警察？

My Medium Record：(Update中) https://readmedium.com/my-medium-record-e1f290f9c470 每月月頭會將部份上月免費文章轉做會員限定文章。