avatar伊死

总结

这篇文章是一篇关于日本100YEN店的推介文章,作者分享了自己在日本留学时,如何利用100YEN店的便宜商品来减少生活开销。

摘要

作者在文章中分享了自己在日本留学时,如何利用100YEN店的便宜商品来减少生活开销。作者表示,由于每个月的生活费只有8万YEN,因此需要抠搜每一笔开销。在日本生活中,100YEN店是非常实惠的购物选择,可以购买到各种生活用品和食品。作者分享了自己常购买的食品,包括麵豉湯、蕎麥麵、天使麵、關東煮、咖喱包、東京拉麵、即食滑金菇、八爪魚燒粉、柴魚乾片、UCC咖啡、柿種米菓、魷魚乾絲、帆立貝乾等。作者表示,100YEN店的商品虽然便宜,但品质也是值得信赖的。

观点

  1. 100YEN店是日本生活中非常实惠的购物选择。
  2. 100YEN店的商品虽然便宜,但品质也是值得信赖的。
  3. 100YEN店可以购买到各种生活用品和食品。
  4. 作者在日本留学时,利用100YEN店的便宜商品来减少生活开销。
  5. 作者分享了自己常购买的食品,包括麵豉湯、蕎麥麵、天使麵、關東煮、咖喱包、東京拉麵、即食滑金菇、八爪魚燒粉、柴魚乾片、UCC咖啡、柿種米菓、魷魚乾絲、帆立貝乾等。
  6. 作者表示,100YEN店的商品虽然便宜,但品质也是值得信赖的。
  7. 作者在文章中分享了自己在日本留学时,如何利用100YEN店的便宜商品来减少生活开销。

100YEN店敗家推介<非常口篇>

「阿口 我鍾意將嘢抌入你 嗰度」識唱呢首歌就明點解係<非常口篇>。唔好扮細呀!

認真砌TOP圖。原來我真係買咁多100YEN店嘢食…

留學嗰年,日本生活指數仲係高過香港,尤其交通同飲食,我靠住每個月8萬YEN獎學金生活,屋租冇咗2萬YEN(學校已經幫我俾咗4份3),得番6萬YEN。條數點計好呢?一個星期番得一日Part-time,總之慳得就慳。

好在,住嘅地方附近有間超級市場,樓上就係100YEN店DAISO,於是放學番嚟6點幾,去晒超級市場同DAISO格價,就成為日常生活習慣。日本啲超級市場一去到傍晚就會有特定貨品減價時段,半價肉、平價便當之類,有時啲特價貨喺100YEN店都有得賣,所以要格晒價先至好買。

★建議先食用呢篇,簡單了解100YEN店發展:

100YEN店除咗生活雜貨,其實都有好多食品賣,餵飽咗我好多好多餐。番到香港,喺Living PLAZA見到留學平價食材,估唔到又幫襯到而家。

可能你會問,100YEN店嘅食品,真係食得?

我會答你,人窮起上嚟,有咩唔食得。喺日本買食品,點都安全過某啲國家。100YEN食品都有唔錯嘅嘢,尤其近年標榜日本產嘅100YEN食品多咗,選購嘅時候睇真啲食品標籤,就可以做個精明消費者。

以下飽肚同唔飽肚家居常備食材,純粹分享吓,唔係宣傳,冇收廣告費(雖然好恨有)。

麵豉湯(みそ汁)

日本人家家戶戶都識煮麵豉湯,但係對我呢種懶人嚟講,一個人住,要煲大大煲湯,不如飲即沖湯包。呢種完全係窮撚冬天恩物,夜欄人靜時,凍冰冰沖番包嚟飲成身暖晒,或者朝早起身飲完返學。

100YEN有8包蜆肉湯,而想再抵啲就係海帶味,100YEN有12包,一日飲一包嘅話,300YEN就可以飲一個月。我通常買あさり或者しじみ兩種蜆仔湯,另外仲有一款とん汁(豚汁),100YEN好似3包定4包,簡單講係加豬肉去煮嘅麵豉湯。100YEN當然唔會有好多肉,將就吓啦。

蕎麥麵(お蕎麦)

100YEN有3札蕎麥麵,可以食3餐,去邊度搵?而且煮麵時間只係5分鐘,趁啲麵煮緊嘅時候,切少少葱,準備WASABI,磨吓薑蓉,倒吓麵汁,咁就差唔多時間。

對我嚟講最煩係過冷河(因為好懶,但係過完冷河係好食啲),冬天會放湯,SKIP埋過冷河嘅步驟。

買埋麵汁,都係100YEN一支,夠食好多餐,仲有幾款麵汁可以揀。同樣,WASABI都係100YEN一支,再懶啲,100YEN薑蓉都有得賣,夠晒懶人食桌基本需要。

天使麵(カペッリーニ)

市面上有好多意粉,通常都200~400YEN一包,而且煮嘅時間長,7分鐘至10分鐘都有,而呢種天使麵只係需要3分鐘!我咁懶,一個煎PAN加水煮完天使麵,倒咗啲水之後,直接加配料一齊煮。例如加蕃茄、青椒之類蔬菜,整少少醬汁,搞掂。

番到嚟香港,發覺好多煮食達人拍片介紹懶人煮意粉方法,早啲見到就好啦!

關東煮(おでん)

100YEN一包有5種配料,抵食過便利店,味道又唔差。不過我喺日本嘅時候冇買過嚟食,係番到香港先至買嚟試吓。

喺日本通常自己整關東煮,一大煲關東煮湯底,掉晒啲配料落去之後就乜都唔駛理,懶人極致美食!食晒啲料再加再煮,試過一煲食幾日(唔好學)。關東煮萬歲!大根萬歲!

咖喱包(レトルト カレー) 咖喱磚(カレーのルー)

懶嘅話就食咖喱包,窮嘅話用咖喱磚。咖喱磚真係窮苦學生恩物。除咗用嚟煮一大煲咖喱,亦都可以煮麵加一塊咖喱磚變成咖喱湯麵、食杯麵沖水之前加一塊落去變成咖喱杯麵、用嚟炒飯變咖喱炒飯又得。咖喱磚真係偉大嘅發明,仲要100YEN買得到,仲想點。不過最苦惱嘅係,日式咖喱就連辛口都唔辣。

東京拉麵

當年我喺日本仲只係得雞湯味,而家已經出咗好多新味。配圖呢款係咖喱雞湯味。日文「熱湯」,即係熱水咁解。

100YEN有4包,份量啱啱好,宵夜一流,做小食又得。不過畢竟唔係必要正餐,都比較少買。

即食滑金菇(なめえのき茸) 乾葱花(ドライネギ)

其實我係金菇控,雪櫃常備新鮮金菇,煮麵(咩麵都係)、炒麵、炒飯、關東煮、火鍋,總之煮咩都一定加落去。呢種即食嘅滑金菇簡直係神物,食飯(雖然好少食)加落去,唔駛食餸,當我月尾窮到爆就係靠佢。

而乾葱花就係番到香港先至買,喺日本都係買新鮮葱自己切。

八爪魚燒粉(たこ焼き粉)

身為關西人,屋企一定有一部「八爪魚燒機」或者「八爪魚燒鐵板」。我喺神戶留學一年最大成就,係學識整八爪魚燒同日式煎餅。100YEN可以買到一包粉,直接加水加蛋開粉漿,再加少少葱粒、天かす(即係炸天婦羅嘅時候留喺鑊油嘅粉漿粒,有得賣,都係100YEN一大包)、紅薑粒、椰菜絲。

嗰年成日約FRIEND上屋企開八爪魚燒PARTY,關西人不愧係關西人,個個都拎部私家機嚟,仲話屋企有幾部……WOW。

柴魚乾片(削り節/かつおぶし)

日本最偉大飲食文化產物。

100YEN可以買到8包真係超級佛心,喺日本貴價嘅靚柴魚乾片可以係天價,因為製作工序繁複,時間又長,整柴魚乾係職人技。

柴魚乾片可以煮湯底(我會用嚟整烏冬同蕎麥麵)、撈飯、整飯糰,甚至就咁開嚟當零食都得,當然,八爪魚燒同日式煎餅冇咗佢唔得。

原來台灣嘅麵線咁好食,湯底都係用柴魚乾片整,我一位日本老師嘅太太,就係研究柴魚乾片對台灣飲食文化嘅影響。柴魚乾片值得尊敬!

日文嘅「鰹魚」(かつお),中文係木魚或者柴魚,即係柴魚花生粥嗰啲柴魚。

UCC咖啡/有汽水

打開我屋企嘅雪櫃,只有兩種飲品:UCC無糖咖啡,酎ハイ(日本酒溝梳打水)。

100YEN隊1L咁大支咖啡,抵到喊啦!有UCC,邊個會飲雀巢?然後,梳打水湯力水溝齋啡係神之飲料。

我係近幾年先至養成飲有汽水嘅習慣,DAISO呢兩支有汽水啱晒我,咁啱屋企附近有Living PLAZA,想飲落街買,太美好了。

柿種米菓(柿の種)

100YEN可以買到一大包柿種米菓(連花生),仲有WASABI味。雖然一般超級市場同便利店都有得賣,但係我住嗰區就貴過100YEN店。另外100YEN店有一種冇花生嘅,見到必買,可惜好少見。

魷魚乾絲、帆立貝乾

佐酒必備小食,都係見到必買。尤其帆立貝乾,係日本國產,真係抵到喊。唔係間間有得賣,來貨亦都少,見到要買定多啲。我啲日本朋友嚟過我屋企一次,就已經掌握咗我呢種麻甩小食喜好,通常都會帶一兩包平價魷魚乾上嚟,然後齊齊打牌打BL。

論100YEN品質

100YEN嘅價錢,就有100YEN相應嘅品質。日本人分得好清楚,去100YEN店買嘢,係一種「安於100YEN品質」嘅心理:「100YEN,係咁上下㗎啦」,「呢種產品,係值100YEN㗎啦」。想買好啲嘅商品,會去普通雜貨店、買有牌子嘅嘢,或者去百貨店。想要高過100YEN店嘅品質,又唔想去百貨店買貴嘢,又未至於咁貴買咁靚嘅嘢,促成3COINS(300YEN店)誕生——比100YEN店好啲,又唔會好似百貨店咁貴。

100YEN店企業不甘於「100YEN係咁㗎啦」嘅消費心態,《百元商品》呢種電視節目應運而生,專登走去外國,向日本人最仰慕嘅鬼佬界紹100YEN商品。當喺電視節目見到鬼佬嘩嘩聲讚美日本100YEN商品,日本消費者嘅信心番晒嚟,又再重新欣賞100YEN商品嘅價值。高招!

網上好多YouTuber會拍片介紹品質高於100YEN嘅100YEN店商品(=コスパ抜群商品。即係唔知幾時開始流行講嘅「高性價比」、「高CP值」,廣東話一直用開個「抵」字),又有人會買啲100YEN商品DIY,或者用嚟改頭換面,發揮小創意,變成另一啲睇唔出係100YEN店嘅用品。

而對我呢種懶人嚟講,100YEN店文化,係小型便利店嘅延伸,方便、平、快,唔駛諗。當日本人發揮100YEN店商品加工大法,對住100YEN店都咁認真用腦諗嘢,又會反省吓自己咁懶咁HEA,有一秒慚愧(一秒後,又繼續懶落去)。

日本人唔會因為只需100YEN而睇低啲去100YEN店嘅人,因為100YEN,正正係有100YEN嘅價值。

仲有冇得吹100YEN店嘅水呢……

My Medium Record:(Update中) https://readmedium.com/my-medium-record-e1f290f9c470 又冇貨賣了。

順手睇埋吖~

個人BLOGss~ ☆伊死的漫畫特區 (講漫畫、讚漫畫) ★嚟Plurk吹水 ☆開咗MeWe

100円ショップ
100 Yen Shop
ダイソー
日本
十蚊
Recommended from ReadMedium