點解唔可以用代碼玩吓膠啫

喺大家屌「你住外國就喺度講風涼話」之前，如果我同你講呢句說話，其實係一個喺香港住嘅人講，你會唔會即刻覺得條氣順返啲呢？ 但係其實我認同呢句說話。😟 （好嘢！可以屌佢係喺外國住啦！！)

講吓我認同嘅原因：因為你自己會比人打壓前更習慣將自己嘅思想自由收窄，你之後講嘅嘢、做嘅事都會自己限制咗自己先，尤其有好多人share呢啲數字形狀post其實只係friends only。如果friends only又使乜咁婉轉？ 公開唔敢講我明。有人話唔使咁認真，得意咪share囉：好多香港人都係呢三五年先至出嚟遊行，之前冇乜留意開政事，最多嘅去下六四集會、一家大細行七一，覺得玩吓膠冇所謂⋯⋯其實之前都發生過呢啲事；各位有冇睇過1984？香港而家其實一路變緊裏面嘅世界，最大問題係傳承，呢啲符號只有聽過句口號、知道首歌嘅人先知係乜，如果將來越禁聲大家越唔可以公開講，下一代未接觸過更加唔知你噏乜。 如果又要拉去因為我係外國所以唔明香港人感受，我想講我喺香港仲有好多朋友，我都好擔心佢哋，絕對唔係覺得食花生、好好笑嘅人。我唔明點解好多人覺得一個人唔喺香港，佢就一定係冷眼旁觀，一定係食花生。如只係呼籲大家唔好share呢啲代碼，而唔係叫你公開大嗌光復香港時代革命，喺香港講同喺外國講分別其實不大，唔使咩都入我喺外國數。之後又話你都無需要對人「苛責」，其實點解讀到係苛責？指出個問題就係苛責，會唔會太玻璃心呢⋯⋯ 之後彈句「你人喺外國唔該做多啲嘢幫手足、做文宣，唔係去批評人囉」⋯⋯ 我想講其實做咗啲乜嘢，唔使吓吓周圍同人講㗎，未成功先張揚只會累死人 https://link.medium.com/RIr9mfbMP7 你已經離港，無資格講香港嘅事？ ==== Follow Ladykylie ==== Medium: https://medium.com/@kyliecthapthong Twitter: https://twitter.com/ladykyliealien Youtube: www.youtube.com/user/LadyKyliecom IG: www.instagram.com/kyliethapthong FB: LadyKylie in Germany Back up FB page : http://www.facebook.com/ladykyliehkg Deviantart: www.deviantart.com/ladykylie Personal URL: www.ladykylie.com