馮檢基目前為止仍能自圓其說 基之撲出降低小麗被DQ風險

馮檢基宣佈參選。

「曾表示支持劉小麗，若對方不能「入閘」才會參選的馮檢基，帶同提名表及退選表。」

「他表示報名是要停止非建制派文革式批評，若劉小麗的參選資格獲確認，他會立即退選。」 →你報唔報，都停唔到批評。不過佢講法係邊個造謠，佢登記咗做候選人就可以 stop 佢哋喇。

咁佢本來話，政治倫理來講，小麗選佢係唔會選嘅，但如果小麗被DQ，佢就要去同李卓人選。「是次報名要顯示決心，與欽點Plan B及保皇黨決戰。」佢咁講完，啲人話即係你助長老共DQ小麗啫，因為2對1要分票老共勝算實多過1對1。

我聽番佢啲辯解，我覺得薑真係老嘅辣，佢講個套嘢又有啲原則，佢話李卓人自己都乜乜乜憑咩話人，咁又全部argument 都 make 得好喎。聽到呢到，我覺得佢可能真係無收錢喎，可能真係條氣唔順。 （又或者好似大班咁講，想收但冇人畀。 ) 上次已經被勸退，今次明明九西係佢老巢，佢勝算高過李卓人，咁佢都無得競爭個位？

佢去報名，咁就要睇佢會唔會因為小麗無被DQ而退選喇，如果無，咁就無跟到佢套嘢，唔符合佢自己原先講嘅原則喇。

暫時來講，佢都重講得通，只要佢真係因為小麗無被DQ退選。但係，佢未來可以退唔切選，退唔切選，道歉，跟住老千石式唔宣傳，咁都講得通，達成衝擊大台效果。或者話：「唔入都入咗，唔盡力選，辜負深水埗街坊」亦得。

政治嘅嘢，就係 rhetorics. 自圓基說。

不過，本來你話小麗被DQ你才出來選，可能增加小麗被DQ的可能性。而家你個勢係咪都選，咁老共駛乜DQ小麗啫？小麗本身都弱，你重要出埋來，學大班話齋，政府駛乜要又DQ人引起不滿啫（雖然大家都好似接受咗）。所以老馮撲出來係降低小麗被DQ風險。

我朋友同人輸賭餐韓牛（又係韓牛），話馮檢基一定會出來選。本來聽到佢話「小麗被DQ佢先選」就覺得佢輸硬（上次區軒已輸），而家阿基撲出，睇嚟有機贏。無論如何，燒山都係最大贏家。