金槍六十勝出香港一哩錦標19連勝

今日沙田馬場國際賽日，應屆馬王「金鎗六十」出戰第7場香港一哩錦標，此匹之前19戰18捷良駒，今場雖要面對外隊G1馬如「野田賢君」、「后土」，但臨場一樣成為1.3倍擂台躉，可見馬迷真係好支持佢，到出閘「金鎗六十」排2檔一路在馬林中伺機，到彎位鞍上人何澤堯一度想移出外欄「金鎗跑線」，但成埋馬群頂住，結果拉番入內欄搵位，200米透出後，爆發力真係超級犀利，最終愈走愈遠，以近兩馬位之先成功衞冕香港一哩錦標，兼且打破「精英大師」、「美麗傳承」同「永勝」18捷紀錄，真真正正在香港馬壇一馬當先！

獎金方面，今仗贏國際賽亦袋多千四萬，最新獎金超逾9,500萬，成為史上獎金第2高馬匹。而早前「金鎗六十」馬主陳家樑接受訪問，話希望愛駒能夠遠征日本安田紀念賽為港爭光，現時已破一大紀錄前無古人，睇吓係咪真係會衝出香港！