美帝快餐：貿易口水戰勿跟車太貼
Kevin：兩位美國朋友，今日有冇睇市？
Tommy：有乜特別？
Byron：終於有得升下咁
Kevin：連近排一直俾人唱衰嘅Tesla都升
Byron：超過5%
Tommy：唔係話佢meet唔到生產指標咩？
呀，this is why
Byron：到底而家係加關稅定減，我好亂
Kevin：我身在曹營心在漢，要多謝習主席
Tommy：唔係話中美而家貿易戰咩？
Kevin：好似硬唔起來
Byron：我聽過一個講法, 話中國已經識得自己搞新科技, 唔使再依靠外國勢力
Kevin：不過我認為呢啲先係大國風範
Byron：唔係喎有D愛國專家講到殺氣騰騰咁，要同美國鬥個你死我活
Kevin：我係電車男，一向十分留意Tesla一舉一動
Tommy：Tesla而家喺中國市場如何？
Byron：係囉講番點解TESLA會升咁多既
Kevin：前排佢哋宣布去中國設廠有阻滯，因為國家堅持要JV
Tommy：JV係唔係要偷技術呀？
Byron：JV係J乜野
Kevin：你唔好睇Elon Musk好似好闊佬，將啲技術全部免費公開
Joint Venture
Byron：即係而家開放貿易, 唔使怕你抄?
Tommy：佢係將Tesla所有技術都免費公開？
Kevin：除咗要公開嘅patent, 根本仲有好多其他技術要係自己人先知
Byron：哦你即係話中國EV業想抄人者
Kevin：reverse engineering吹你唔脹，但JV啲技術就任你睇哂啦
要去內地設廠，除咗運費平啲，其實主要係關稅
而家生產大部分自動化，人工根本唔太重要
Tommy：咁而家唔使喺內地設廠都可進軍內地啦
Byron：咁算唔算退讓, 損害人民感情?
Tommy：咁比亞迪的股票。。。
Kevin：要睇減幾多稅啦，同埋會唔會有其他non tariff barrier
尋日內地汽車股已經全線下跌
Byron：成日叫中國反擊美國D專家係唔係跟車太貼?
Kevin：你咁講就唔啱啦，真正崛起來嘅大國，係唔使好似侵侵咁惡形惡相嘅
叫中國大力還拖嗰啲，太睇少習主席喇
Byron：今次我撐習大大架, 係最衰上星期冇入番少少 TESLA者...
Tommy：可能我唔係國師，無論經濟發展中定已發展，我都睇唔出反擊美國點樣為中國帶來好處
Kevin：Tesla俾美帝大行唱衰，好彩有習大大開金口撥亂反正
Byron：唔知除左車, 其他行業又會唔會有類似發展呢
Tommy：習大大好似未講仲有邊個行業會大幅減關稅，不過就承諾會加強保護知識產權
Kevin：我未得閒睇其他，不過如中國係要買多啲Tesla，咁真係要賣咁啲美國國債套現先得
我夠鐘去同其他美國人開會，遲啲再傾
Byron：我都要教美國學生了