識食梗係要食良心食肆- Part 1 — Let’s Jam 尖沙咀店

反枱還反枱，飯始終要食嘅，錢，就梗係俾自己友賺啦。

可能有人會話，食飯就食飯啦，好食咪得囉，理得佢咩政治立場啫。

嘢就唔可以咁講喇，喺今時今日，租貴人工貴乜都貴，生意難做到不得了，一間食肆可以放棄部份收入，分分鐘仲貼錢出嚟派水派食物派物資，咁有良心嘅舖頭，起碼唔會貪平用地溝油黑心食材啦。坐喺自己友嘅地方食飯，唔使聽埋晒啲唔啱聽嘅廢話，唔使背脊骨落。呢兩個月，香港人已經夠辛苦，食餐安樂茶飯，又可以支持自己友，何樂而不為。

要記住邊間係撐對家嘅無良商人太麻煩，好在有心人整咗個實用嘅 app - whatsgap，一開即刻睇晒邊間係仆街，好方便。

另外，仲有人喺google map 度整咗【終極整合】黃藍商戶地圖。

時間嘅關係，我已經試咗啲良心食肆，梗係要開心share 啦。

首先介紹嘅係尖沙咀區嘅 Let’s Jam

有名你叫，Let’s Jam 真係做果醬起家嘅，喺西貢開到出尖沙咀，幾叻呀。

Let’s Jam 最有特別嘅地方就係用果醬入饌。