【見到陳百祥，彷如見到家中廢老】

阿叻是我的偶像。 有些人，例如愛因斯坦，可以憑一己之力，改變世界，非常厲害。阿叻改變不了世界，但他可以獨力改變一個電視節目的質素。

任何電視節目，只要見阿叻有份出現，你就知道，這個節目必會變為業餘、不認真，和像馬戲團。以一人之力，左右一個騷，或一件盛事，這正是我渴望擁有的影響力。

— 〈最有影響力的人〉，林振強，2003

港台電視節目〈視點31〉，今集搵黎藝人陳百祥同杜文澤，一齊傾下香港局勢。陳百祥係一個撐警藍絲人所皆知。見到佢深入討論當前局勢，我有種莫名親切感。因為呢條友，直頭同我屋企果個長開無線新聞台、一份〈東方〉噒足三日既爺爺一模一樣。

以下節錄，全部都係「荷蘭叻」原文對答，絕無添加老作：

1. 「而家大部份參予（社會運動）係年青人，……無歷史必修科，無母語普通話教育……年青人唔認識祖國（中國）。」
2. 「你唔出黎犯事，無差人出黎打你。」
3. 「差人蒙面係保護自己……（唔係既話）一陣畀人插一野。」
4. 「我睇唔到差人點樣暴力。」
5. 「你信啫，無facts，……我唔信果個民調。」（有民調話七成香港人唔信差人）
6. 「法治係香港基石，由差人睇住。」
7. 「要經『負面傳媒』講出黎先當係（事實）？」
8. 「（中國）有封殺（藝人）既咩？」
9. 「有無人白紙黑紙話封殺你（杜文澤）呀？」
10. 「你地知唔知自己爭取咩？有免費書讀……香港自由度排名仲高過美國，咁你地（示威者）爭取咩？」
11. 「我睇到係鐵通。」（有警員係荃灣開真槍，警方指因為示威者用削尖鐵通襲擊警員。其後證實係膠通。）
12. 「果度無攻擊性武器。得滕條呀、木棍呀。」（7.31元朗西鐵站）
13. 「有尊貴議員（林卓廷）帶人入去，搞人地家鄉（元朗）。」
14. 「我睇到既係毆鬥，互毆，唔係單方面打人。」（7.31元朗西鐵站）
15. 「你一定要反中國，叛國先係岩既？」
16. 「特首就梗係appoint架啦。」
17. 「年青人脅持校長去支持你暴力，梗係唔岩啦。」（中大學生包圍校長段崇智，要求佢譴責警方暴力）
18. 「學生蒙面就梗係唔同你握手啦。」（理大校長​滕錦光拒絕與戴口罩既博士畢業生握手）
19. 「呢D差唔多唔使查咁滯啦，無咁既資源（美國人既錢），邊有咁既planning、咁既support啦。」（關於外國勢力幕後策劃香港既社會運動）
20. 「而家D科技封左樣都搵到果個人（蒙面警察）。」
21. 「委任證係天下太平果時，先拎出黎。」
22. 「我覺得無問題（以暴制暴），差人考入去為左執法，你估賊呀？」
23. 「（記者證）係人都發到出黎咁滯架嘛，點會現場有幾百個記者出黎？點解會有記者企中間。」
24. 「可能個個（差人）都有帶（委任證），（委任證）袋係邊係佢地自由。」
25. 「警察無端端挑釁你？有無呀！」

#呢樣我唔知啦 #呢樣我就睇唔到啦 #我睇新聞畫面既 #總之犯法就唔岩 #暴力就一定錯 #嘥氣

伸延閱讀：

〈視點31〉，香港電台，2019–11–5

(2019–11–5)

傳送門：西米Go短評 #001–100，#101–200，#201–300

傳送門：【 工商管理學101】一間企業是屬於老闆？還是屬於員工？

傳送門：點解，硬係要將「利用人頭買樓慳稅」包裝成「倫理溫馨故事」？