裸體作為一種符號、抵押與商品 可以攞去賣係一種benefit但同時更易被人勒索
都幾羨慕而家啲妹妹，可以賣裸照，可以女性自主，可以不怕。
細個見到家人常打大赤肋，就諗點解女仔唔得呢？我都好熱喎。
冰桶運動啲人就跟風玩，但#freethenipples 運動，香港泛不起任何漣漪。香港，就係一個好保守好保守好保守好保守的地方。
好多靚模一開始都係遮遮掩掩，話自己陽光呀，健康性感呀, etc. 其實就係賣肉，賣肉得來要健康。不過後來發現個個都係咁就上唔到位，too much competition, 所以要毒舌，搞啲奇怪嘢。不過Dada Chan、周秀娜等上咗位就收斂番。
淫照事件，阿嬌是受害者，但佢被人鬧得好勁，最大傷害那個是她 (both career and psychological)。大家去鬧陳冠希，再十年後黃子華先話，其實 Edison 都可能係受害者。到今時今日，農曆新年，x登仔，都攞番呢樣嘢來 loop.
如果裸體呢件事無擸奇value（但明明人人都有裸體） ，女仔就唔駛怕啲前度亂咁 post 佢哋啲相出街，咁就無得俾人威脅。而家女仔保護自己嘅做法，係絕對不影那些相。其實單從呢一點上，女仔被裸照勒索機會多過男好多，同埋個「價值」大好多。男人要裸照勒索要有埋個 story（高官、情婦、淫亂、群P），但女呢，just 裸照就夠洗。
Jennifer Lawrence 2014年捲入裸照門，佢話：「啲相係影俾男朋友睇，唔覺得要道歉。跟住2018年佢套 Red Sparrow 有裸露鏡頭，一來裸露點都係驚，二來驚被人話佢 hypocrite.
呢個幾搞笑搵個男人去講，被人洩漏裸照係 without consent；拍戲，係另一件事。啲人係咪分唔到？
最好，當然係唔好拍。但啲人無諗過，其實係有女仔想拍，所謂好襯青春留倩影，想自己七老八十睇番自己裸體。但因為呢個「裸體係羞恥」的norm，又驚壞 harddisk 要整同唔知啲相放去邊的concern所以其實係部分 autonomy 被奪去。呢點除了怪社會，還可怪阿當同夏娃（男人會話一定只係夏娃）。
《三夫》找不到香港演員拍，一套有香港政治隱喻的戲，都好難搵到本地人做「香港」那個角色。香港女性要裸體，代價真係好大，重要做愛，就重大。
那套《同班同學》，我很喜歡，那些裸體很好看，Fish 我鍾意，Ashina 我覺得好白好靚。可惜本來劇情其實是毋需啲女主角係咁露。基本上好多場，都無必要露，例如天台沖涼（一般著泳衣），沙灘裸奔，更衣室，被阿婆打……導演有剝削演員之嫌。
然後另一位主角麥芷誼因為「拍過三級片」好似上咗大陸 ban list.
《踏血尋梅》的春夏及《色戒》的湯唯憑著很好的劇本、演技和cast也就成了名，尤其後者。
願意裸體的人，當然係搏紅同搏機會，都可以叫做 calculated cost。如果大家不那麼忌裸體，倒轉可以用裸體搏賺錢的機會就少了。例如唔物化女性，賽車女郎就無嘢做咁。或者說因為我們懼怕展露身體，身體才賣到錢。
有好多男人覺得女仔「裸」係值錢，所以有女仔可賣「裸」，呢個係 advantage. 甚至大陸有得用裸照抵押借貸，你係仔就無呢個 credit device(?). 但你諗下，同時都有 disadvantage. advantage 定 disadvantage大啲重要睇你生成點，係邊個，咩人。呢個都唔係容易解決的議題。
何式凝講得好啱，街是仆出來的，我們幾多人因為 social coercion不敢做，甚至覺得唔啱。 佢有次talk 又問啲觀眾，「如果我哋有天裸體抗爭，爭取女權，你哋願唔願意加入？」。裸體抗爭的問題是，社會不接受，尤其最需要說服的是 conservative，議題推進不了一點點，裸體的 private cost 出來裸體抗爭的人卻食了。
問題係，佢哋想說服保守者，裸體抗爭自然令保守人士更反感。
裸體真係 symbol 嚟。
而家有人肯做「爛頭卒」，好不容易。
香港有身體力行賣裸照的。
搣時潘 正在天然呆，露黑絲，跳pole dance，但個樣似素顏（可能有化淡妝），一臉無辜，那種反差萌，好正（不過我唔知佢有無賣真裸照）。
Emilia Wong童顏，但動作好老練好投入。兩個不同性格，個組合很不錯。
啲男性話 email 「哪來的勇氣」，但你又睇喎。#身體很誠實 便是如此。
佢哋係女性界的義士。至於賺錢，大佬要敢賺先得咖。
點樣摧毀裸照價值令一眾男女不能再眼紅 email 賣裸照搵到錢呢？強制所有人18歲時要拍全裸放上政府網頁，destroy all the values，完，經濟發展又減慢了 x%，然後獨裁政權還失去用裸照勒索人民的權力添（雖然佢要威脅你實在太容易了）。
但成件事又如所謂「身體自主」對著幹，即是要被政府強制唔自主才能獲得自主，所以說搵好多燕瘦環肥不斷賣裸照拍裸照去以 private initiative 去達到「身體自主」的目的好，定係搵極權政府一次過由頭就摧毀佢好呢？真係唔知。
