【衛生署不敢/不想/不會告訴你的事】
食物及衞生局局長陳肇始指，審視過文獻和相關研究，沒有發現催淚煙引致二噁英中毒的情況。
她又引述警方指，考慮到行動部署，不適宜公開催淚煙的成分。
— 〈Now新聞台〉，2019–11–21
本來，網上流傳而又未經證實既野，我一律唔會轉發。因為唔想助長fake news散播。但當我睇到陳局長咁樣講野，呢個信念開始動搖了：
- 無相關文獻講催淚彈影響，衛生署唔識自己驗？幾十萬港紙一個月請你返黎，齋睇文獻？
- 警隊點樣部署拉人，關催淚彈成份咩事？莫非……成份入面有野唔見得光？
引用藍絲金句：「行得正企行正，身無屎，怕咩畀人監控/除口罩/有23條/etc。」究竟Made in China催淚彈，係咪好似8.31太子站咁，有不可告人既秘密，唔畀得人知？為左大家性命同健康著想，我破例係呢度轉發一個有關二噁英（dioxin）既網上「傳言」：
「長文，但唔該真係要睇晒佢：
我知而家有人開post講二噁英，但係似乎迴響不大。所以小弟開多個整合post，希望大家真係可以正視中國製TG（tear gas，下同）既問題，因為真係唔係大家想像中咁簡單：
- 差佬過去幾個禮拜開始轉用大陸製TG，呢啲tear gas應該同歐美一樣，用CS（2-chlorobenzalmalononitrile）為主要材料（呢方面我唔肯定，衛生署都話無資料）。可以肯定既係，由於中國生產tear gas技術唔多掂，所以佢地催淚彈，比正常TG溫度高好多，從而釋放唔應該釋放既二噁英（dioxin）。
- Dioxin係最毒嘅化學品之一（唔信自己google下），量度單位係ppm（parts per million／百萬分之一）。好微量dioxin足以令人致癌、不育、畸胎。
- 點解dioxin係最毒？因為佢可以經呼吸、進食、皮膚進入人體。入左去之後不能排出體外，現今醫學亦無根治方法。唯一可以做，係對症治療（symptomatic relief，i.e. 運用藥物改善疾病症狀，不能消除病因的治療，即係「治標」）。
- 現時香港街頭漂浮既dioxin粒子，係無可行方法溶解。根據文獻，分解方法有兩種：一、將溫度上升到800°C；二、係UV光之下，與iso-octane做化學作用。但係iso-octane都好毒，只係無dioxin咁毒，half-life無dioxin咁長而已。可見以上方法都不可行。
- Half-life（半衰期）， 係某種特定物質經過某種反應，其濃度降低至開始時的一半所需時間。Dioxin既half-life係九至十五年（註一）。簡單講，每過九至十五年，空氣中dioxin含量就會跌一半。可能要幾十至一百年之後，空氣中既dioxin濃度先降低至對人體無影響既水平。
- 所以，從on9 green objects決定用唔合規格嘅tear gas起，已經無得返轉頭。後遺症（例如cancer 、不育、畸胎等等）唔會即刻浮現，短則一兩年，長則十幾年，視乎你吸入幾多dioxin。
- 地球上最好既mask，都唔能夠完全過濾dioxin。Mask既原理有兩個：其一，利用好密既物料，去隔走體積較大粒子。但係dioxin粒子係超細，行唔通。其二、以化學原理，搵其他chemicals同佢結合，令佢變成無害物質。此路亦唔work。因為dioxin分子結構超穩定，唔會同其他物質有化學反應（除咗上面第四點情況）。Dioxin本身無色（或白色）、無味（TG刺激氣味係由其他chemicals產生）。就算隔一段日子，重回TG現場，你吸左都唔知道。
- 有人話：「又唔見歐美有事，佢地夠用TG啦！」點同？依加香港放既係大陸製TG，溫度比外國貨高好多，將催淚彈入面無咁毒既chemicals轉化成最毒dioxin。
- 我估，當初政府轉用中國TG，無諗過會釋放dioxin。不過依加都過咗咁耐，佢地唔會唔知呀？求其一個大學讀過化學既學生都知。
- 又有人話dioxin係脂溶性，用洗潔精會洗得甩，錯晒！除左有毒既iso-octane，無其他chemicals可以洗得走 。
- K. Kwong（香港大學化學系博士、化學科補習天王）話中大已成化武基地唔係無道理（註二）。成件事仲衰過福島核爆。人地核爆，至少當地人有危機意識，知道要撤離。而家大部分香港市民都唔知dioxin有幾嚴重、有幾不可逆轉。而政府完全無講過點解決。從化學角度，其實已經……唉。
- 唔理你黃又好、藍又好……中共最後都係慢慢殺晒我地，坐享其成。我好長氣咁重申多次，dioxin中毒通常唔會即時出現症狀，呢個係中共聰明之處。真正秋後算帳，係慢性殺人，絕我地育。我估一開頭佢地選擇用中國tear gas果陣無諗到呢樣，而家錯有錯着。
- 出去發夢既人，有mask點都好過無mask，因為contact surface area會細咗好多，起碼放TG果下，你會吸少咗，又過濾到其他體積比較大、又有毒既chemicals。皮膚要盡量遮住，件衫著完要掉左佢。」
（網上流傳既「傳言」，就引述到呢度。）
「It’s never been officially denied. First rule in politics: never believe anything until it’s officially denied.」
— 八十年代英國情境喜劇 〈Yes Minister〉
根據 「不要相信任何事情，直到官方正式否認」定律，大家都係咪逗留高危地區比較好。至於邊度係高危？可以參考呢度：
或者，下面詳細地圖：
Step 1：Click呢條link（註三）。 Step 2：出現Google Map網頁。 Step 3：拉近你關心既地區，作者用方框劃分，等大家更容易睇到催淚彈既影響範圍。越多方框重疊，顏色就會越深，代表果度TG殘留物越多。
#戴口罩 #周街都有二噁英 #出入平安
註：
- 〈Hazards of Dioxins〉，Washington State Department of Ecology
- 〈催淚彈唔好自己清〉，立場新聞，2019–11–15
- 如對此工具有任何意見/報料，請telegram 原作者@woohooha
(2019–11–21)
傳送門：西米Go短評 #001–100，#101–200，#201–300
傳送門：食晒兩家茶禮的營銷手法