蓋世寶是時代巨輪下失落世代的犧牲者

蓋世寶做咗 23年 tvb終於離開東家，成個兒童組剷場換人後佢只可以同其他2打6藝員一樣等監製接濟，等運到。跟住因為唔夠 show 低薪再減，於是佢就劈炮了。

其實蓋世寶化呢個妝呢個頭都幾靚，個人都算真，但演技唔可以話出色（當然做戲叻不代表能上位吧）

呢啲未 #世代鬥爭 囉，譚玉瑛做兒童組攞住全台高人工月月爆 show. 做劇集個啲同 west end 做 musical 個啲一樣，無嘢做唯有 flip 下 burger 先，等 audition 有著落先有飯開。就係等一個機會爆紅接廣告、event 好天斬埋落雨柴。所以蕭神話「戲子無情」係合理，既然花無百日紅，明天身邊嘅人都離你而去，重邊有得駛？所以有風一定駛盡𢃇。呢個係我至今聽過「戲子無情」比較正的解釋。

蓋世寶X老X 以為終於等到坐正做 the next 譚玉瑛點知敵不過時代巨輪， 點知而家啲人電視都唔睇，睇youtube（sor，應該係抖音），唔係就返興趣班補習班做功課，鬼有時間睇兒童節目。

譚玉瑛就幾層樓收租禾稈冚珍珠，佢就斷咗攬，慘在如果係新人初入行重可以轉行；舊人佢又唔夠老同舊好似譚育瑛咁上到岸。即係工廠北移一大堆人要再培訓，中間好多人斷攬，變咗要做清潔樓面。又有啲似傳媒行業咁夕陽咗，係嬰兒潮咁都食到條水儲到錢，最慘係而家中年個啲要轉行，或者轉唔到行，等緊老細幾時閂水喉，執埋個年年以億計咁蝕的傳媒。記者編輯都話有啲人脈用下，蓋世寶X老X就好似真係無乜。

當港姐都唔罄香最高收視跨埋平台都得20點hana係最受歡迎女歌手，無喇無喇。

呢個真係時代嘅教訓。老董所講要終生學習、增值自己真係無錯。

上一代女人重有嫁咗去呢條路（雖然嫁咗未必係好），當年歐倩怡唔唱兒歌唱大人歌出咗一隻碟後華星就執咗，嫁咗俾郭晉安。同期嘅張潔蓮 jacqueline 姐姐都嫁咗。比佢後嘅張美妮又嫁埋。新時代女性唔靠男人，唯有食自己。永遠都處於 precarity，永遠都不得安定，除咗政府工外，就係新時代人類的寫照。

（講開又講，蓋世寶最紅個期應該係同歐倩怡做雙妹嘜拍旅遊節目）

不過有時太安定就無咩突破，可能要走都係一個契機。