華田銀行 FB 精華 — 2022 年 Issue 5
逢星期三出版
香港 VB 上 Wall Street Journal，又一外國勢力入侵事例啦！
WSJ 最近做咗個報道講香港 VB 發展，其實最近都無咩 VB 新聞啫，佢又有咩好報呢？
原來係明踩話香港 VB 發展緩慢，比美國慢足足 “a decade”，仲話 “strict regulatory requirements” 係主因，我國內政幾時輪到牆街既人說三道四？
銀行疫苗通行証，有一個問題我真係諗唔明
滙豐、恒生、渣打都表態由三月尾 / 四月頭起，所有職員、合約員工及第三方唔打針就唔入得 office，即係話裝修維修哥哥、去 office 簽文件既客人唔打針都唔入得，暫時分行就不受影響。
不過我都唔太明，而家實例話畀大家知，打咗針 (好可能) 有效減低重症風險，不過防止感染就 (好似) 唔太 work，咁大家都係唔想集體感染啫，要求同事同訪客打針又有咩用呢？點解唔係要求快測呢其實？
台灣銅板ATM，其實呢個功能不如加落超市啦
台灣開始有可以存銀仔既 ATM，而反觀香港就停咗收銀車，都真係幾諷刺的。
有網民提我話日本一早有，其實唔使啦，你睇英國啲超市、日本啲七仔一早啲收銀機係可以入神沙的，又何需要勞煩 ATM 呢？
不過唔講大家可能唔知，之前睇過 HKMA 報告，喺電子支付流行之下，近年既銀行流通量係不跌反升的，主因係鋪頭仍然向銀行攞銀仔做找續，因為電子支付都令到大家多咗一樽銀仔，平時唔會用嚟畀錢，更唔會入銀行 (有手續費嘛！)，結論就係市場上既銀仔反而多咗，係咪好 cute 先？
等 / 遲咗一年，將來銀行終於來喇！
將來銀行終於上場，我都喺最近一篇銀行閑談講咗佢少少歷史，亦有介紹佢個自訂銀碼玩法，每睇既網友可以睇番喇！
銀行閑談 (163) — 台灣最後一間虛銀「將來銀行」準備營業，點解話佢個新玩法其實熟口熟面呢？
又嚟做壞規矩，到底其他銀行幾時先學到少少呢？
咩叫 ecosystem partnership 呢？「華田銀行信用卡簽 12 個 yoga 送你 2 個月」呢啲 out 晒架喇，「Pure 上 ZA IG 開 Live 一齊做瑜珈」呢啲就叫新穎喇！
ZA 呢個玩法係好值得深思的，既然 HKTV 都可以做網購，點解 ZA 唔可以開嘉年華呢？如果叫 2004 年做 FB 元年，今年已經係 FB 19 年喇！流量就是財富，大家明唔明？
叫朱千雪上 Citibank IG Live 幫 HKTV Mall 帶貨有無得諗？
今個星期係咁多，下星期 FB 精華再傾過！
2021 年開始 Medium 只會發佈部份文章，想知最新銀行 insider insight，就要訂閱我 Patreon(patreon.com/watin) 喇！2021 年 8 月 Medium 再次改制，讀者可以選擇將一半既 Medium 會費撥繳至你喜歡既作者。如果你想喺 Medium 上面支持我，可以去以下呢條 link (watin.medium.com/membership)登記做會員哦！華田銀行 FB: facebook.com/WatinResearch
華田銀行 IG: https://www.instagram.com/bank_of_watin/
華田銀行 HKET 專欄： https://wealth.hket.com/sraw116/華田銀行關於華田：
兒時夢想做i-banker，結果做了bank worker，還要是retail那種。過去在各大小銀行不同部門流徙，叫人借錢、催人還錢、審批貸款、出股票app、出借錢app、出信用卡、廣告策劃、銷售管理、分行佈點、生物認證、電子排隊、機器學習、敏捷開發，到現在還未安定下來。不懂財經、不懂經濟，只想談一下「銀行」這回事。