[無劇透，給未看的人] 短評《P風暴 》

港產劇情片的硬傷係劇本，《P風暴》也不例外。角色演技和劇本張力是有的，本來可以好好發展。但係，情節至近尾段不太合情理，犯駁位多，加上片頭同片尾剪接頗差，只為推進劇情，有失故事感，浪費了演員的演繹（林峯頗搶戲，演到面目猙獰，當然還可再進步。）而女角色周秀娜及陳靜則只是花瓶，無太大發揮。其中張繼聰有句對白頗為引人發笑及悲哀：

「買樓，戇居！排公屋，嘥氣！所以我話香港後生仔嘅出路得返一條，就係坐監。」

電影中段加入普通話對白，令人好Odd。最後，為了政治正確而包底，說懲教署只有少量害群之馬，真係……香港已經淪落到要跟大陸嗰套政治正確包底嘢。相同問題亦見於《廉政風雲．煙幕》，最後為咗彰顯天理循環，格硬整死張家輝。

可能有人會話「套戲都係拍嚟賺大陸人錢，唔使咁認真。」其實我很討厭「認真你就輸了」這論調，因為這是怠惰的藉口。將要求愈放愈低，慢慢地會被同化的，去到最後，連一套合格的港產爆谷片也找不到。