梁家輝、林沖

梁家輝其實還演過林沖，忠於法紀，死不上梁山，搞到家破妻亡，友死兄殘。以前港產片的對白寫得真的不錯。

林沖：你師承何處……打交派？未聽過喎。

魯智深：我啲功夫呢就打交打得多學返嚟嘅，開頭呢就我畀人打到仆街，後尾呢就我打到人仆街，仆仆下呢就打通街，仆得愈痛就學得愈快，所以呢我就係打交派，我師傅呢就係……仆街。

//

魯：唉，好人就愈來愈少，壞人就愈來愈多。

林：啱，所以我哋好人就更要團結囉。

魯：講到團結，咁我就順口講講喇。我有班兄弟呢，佢哋聚義梁山，專門劫富濟貧，替天行道。

林：梁山嘅人始終係山賊，為世所不容嘅。

魯：唉！而家呢個個都好人當大賊，大賊呢就當好人。高俅太尉咪就係大賊中嘅大賊囉。老百姓個個都咁講，你得罪咗佢個仔，佢實整死你㗎。

林：我諗太尉唔係啲咁嘅人嚟嘅……

魯：你諗真啲啦。如果佢講嘢唔望人，屎眼就肯定大過心眼，一定唔係好人嚟㗎！咩呀？畀我講中咗呀？

//

高俅：你同緊邊個講嘢呀？

丞相：一隻搖頭擺尾嘅生滋狗。

高俅：你敢亂嚟？

丞相：同一隻狗有咩唔可以亂嚟呀？

高俅：你夠膽唔講道理？

丞相：你夠膽同我講道理咩？

高俅：林沖帶刀擅闖白虎堂，國有國法家有家規，而家你叫我放咗佢？係你有道理定我有道理呀？

//

魯：嗰位兄弟係邊個嚟㗎？佢連命都唔要都要叫你走，咁夠義氣一定係好兄弟好朋友，係咪啊？

林：係，佢係好朋友，好兄弟，但係佢擅闖軍營，該殺。

魯：細佬，你講乜呀？乜你咁聞塞㗎！

林：國家不可一日無法，國無法則亂，國亂則民遭殃，聞塞嗰個係你唔係我！今日你擅闖軍營，你都該殺！

魯：邊個敢殺我？邊個！

林：大哥，呢次係我最後一次叫你喇。我哋各行各路，斷袍絕義！

魯：你咩意思呀？係咪企得耐企病咗呀？

林：臭和尚！你再唔離開軍營我就軍法處置你！

魯：細佬！你嚟真㗎？你斬我？無理由㗎！天啊！

林：大哥，對唔住，做兄弟應該有福同享，有禍我當……

//

教大家一個出自《水滸傳》的成語：亂自上作。

「金聖嘆在批水滸傳第一回中說：『乃開書未寫一百八人，而先寫高俅者——蓋不寫高俅，便寫一百八人，則是亂自下生也；不寫一百八人，先寫高俅，則是亂自上作也』，正是有高俅蔡京宋徽宗等佞臣昏君從上頭先作亂，才有李逵武松孫二娘等流寇暴徒在後行兇，整整一百零八個魔君都可看作是上天『罰他下來殺戮』，因為下界實在太不像話了，需要派些妖魔凶星來警告一下，而李逵正是這些凶星中的佼佼者。所以寫水滸世界的血腥殘忍，其實質是寫當時社會的混亂無序，寫統治者的暴虐無道，是『亂自上作』的又一曲筆。所有的血腥殺戮，都是上天的警示和懲戒。殺戮是果，無道為因。」

作亂過後，難道是為了待價而沽，等候招安嗎？

作者